Sinna 4, July 26, 2014 ni ading

“Pasian in A Tapa a um mi khempeuhte in kisia lo a nuntak tawntungna angahna ding in A Tapa khat bek apiak dong in leitung mite a it hi.” (John 3:16) Itna in Pasian pianzia hi ngiat a, a it hi bek lo in Amah in itna ahihi. (1 John 4:8). Pasian in A pian sak mite it kim hi. Tua itna in amaute ading a A Tapa tungtawn a kipiakna tawh leitung tatkhiat ding vai picing sak nuam hi. Pasian hotkhiatna koici ngah ding? Siahdong pa bang mah a ih om kul ding hi: “Mawh nei kei mah hong hehpih in!” (Luke 18:13). Hotkhiat ding a kilawm kuamah om lo hi. Lei theih hi lo a saan ding ahihi. Tua in hehpihna ahihi. Pa aw, nong it man leh na Tapa nong piak man in ka lungdam hi.

“Ama kiang pan hong kisawl hi a Amah ka thei hi.” (John 7:29) Zeisu in Amah Pasian ahihna telgen hi. Pasian sapte azon kul hi. Kei hong sawlpa in sam kei leh kuamah hong pai thei lo ding hi.” (John 6:44) Pa, Tapa leh Khasiangtho in mi khempeuh sam uh a hotkhiat ding akul mite khempeuh ading in hanciam theih tawp in hanciam uh hi. Tua vai Zeisu in gentehna nih tawh hong hilh a Luke 15:3-10 ah kimu thei hi. A tuu mang azong tucingpa bang in; Pasian inhong zong in tuuhuang ah hong pua in hong paipih kik hi. Amoo ken’ amatsuah azong nupinu bang in Pasian in akiang ah hong ompih theih nang in hanciam den hi.

‘’ Pasian in mawhneite hong it theih nang in; Jew mite ngaihsutna ah, kisik masak kisam ci uh hi. Tua bang ngaihsutna tungtawn in Pharisee te lungtang ah lamdang sakna leh hehna tawh, ‘’Hih mipa in mawhneite sang ta zen” ci uh hi. Amau ngaihsutna ah akisiikte lo buang tawh kinaih huai sa lo uh hi. Ahí zongin tuu mang gentehna tungtawn in Khazih in hotkhiatna pen Pasian ih zonna tungtawn hi lo a, Pasian in eite hong zonna tungtawn na hi zaw hi.’’ ‘’Pasian a thei leh azong kuamah om lo in lampial mang khin uh hi.’’ ‘’Rom. 3:11, 12. Pasian in hong it theih nang in kisiik ding hi zaw lo in ih kisiik theih nang in Amah in hong itna hong lak na hi zaw hi. E.G.W. (Khazih’ Gentehnate, Christ’s Object Lessons, cp. 15, pg. 189)

“Kei mah in tuucing hoih ka hihi. Tuu cing hoih in atuute ading in, anuntakna pia hi.” (John 10:11) Tuiphumpa John in, “Leitung’ mawhna apuakhia Pasian tuuno en un!” na ci hi. (John 1:29). Hotkhiatna lampi honglak na hi gige hi. Biakpiakna a kizang gan khempeuh in apia mi ading in athusinna hi pah hi. Mawhna nei lo Mi’ sihna tungtawn bek in mawhna kimai sak thei hi. Mihingte in, mawh neilo Mi [Pasian’ Tapa Zeisu] amau tang a asihna tungtawn bek in mawhmaina ngah thei hi. Kuamah in eite tangg a si dingin sawl thei lo hi. Hong it lua ahih man in Amah mah hong kipia ahihi. “Ka nuntakna lak kik ding in piakhia ka hih man in Pa in hong it a, Kei ma ki piak ahihi. Piak theihna leh lakkik theihna vang ka nei hi. Hih thu Ka Pa kiang pan a ka ngah ahihi.’’ (John 10:17-18)

“Zeisu in, ‘Ke’n amann takpi kong cih inah mawhna abawlte in mawhna’ sila ahi uh hi. Tua hia, mihing Tapa in hong suahtaksak leh na suakta takpi ding uh hi.’” (John 8:34, 36) Mawhna in mawhneite hong nuaisiat hi. Zeisu bek in tankhiapa ahihi. Amah mawhna’ sila hi ngei lo hi. Zeisu in eite hong kimawhsakna pan maisakna leh suahtakna ah lungdam in nuam sa hi. “Zeisu’ kam pan a hong luangkhia, ‘’ na mawhnate kimaisak hi (Matt. 9:2), acih kammal in sehtheihloh zah in manh nei hi. Amah in na mawhnate’ thamanh singlamteh tung ah ka thuak zo hi; hong ci hi. Na khasiat- nate kong theihpih hi. Akisikte lu tung ah Ama khut nga a, Zeisu pen Pasian mai ah eite Palai leh Honpa suak hi. Anunnem akisiik lungsim in maisakna kicing pia takpi ding hi.” E.G.W. (Amah ka Teltheih Nangin, That I may know Him, August 17)

“Gutate in, gu ding, that ding, leh susia dingin hong pai hi. Kei ka hih leh amaute in nuntakna nei in, apicing taka aneih theih zawk nang uha hongpai ka hihi.” (John 10:10) Ih mawhna hangin asi dinga kilawm vive ih hihi. Ahi zongin, Zeisu in singlamteh ah ei mun la in sihna dan hong thuak’ sak hi. Mawh nei lo Mi in eite mawhna thamanh asanna tungtawn in ei mawh neite dik hong kitang sak ta hi. Ama tungtawn in sihna tangg in nuntakna ih ngah hi. Zeisu ei’ honpa hong suah ciang in, ih nuntakna in vai thak hong ngah a, apicing zaw nuntakna ah ih tualbual thei ta hi.

Ann leh tui in Zeisu’ hong piak nuntakna panpih hi: “Van pan a hong pai nuntakna khomun ka hihi. Hih ann ane peuh nungta tawntung ding a; ka piak ding ann in leitung mite nuntakna ding a ka piak kasi kasa ahihi.” (John 6:51) ‘’… ka piak tui adawn mi dangtak ngei nawn lo ding hi. Ka piak tui in anuntakna ah tuinak suak in tawntung nuntakna zuatpih ding hi.” (John 4:14) “Khazih lungnemna, dikna, leh itna ah atualbual mite in Pasian sung ah lundam ding uh a, akiim apaam uh ah khuavak tang sak ding uh hi. Tawntung nuntakna ih ngah theih nang a Khazih hong sihna thu in lungdamna sang pen hong nei sak in ih kam pan lawptak a phatna hong neisak nuam ding hi. Pasian hong kamciamna thute in kicing in picing a, man pha mahmah in akhongg ahihi.” E.G.W. (Pasian Tate, Sons and Daughters of God, November 16)