Lesoni 4 ni Janueri 23, 2016

Na ivakarau ni Veileqaleqari e Vuravura e laurai veitarataravi ena ivola ni Dauveilewai. Na italanoa ena Dauveilewai 4 e ivakaraitaki ni tikina oya: Na Kalou e sereki Isireli ni vakayarayarataki Sisira vei Peraki (t. 7). E vakayagataka na uca bi kei na waluvu me cakava kina (Dauveilewai 5:4, 21). E winitaka na veileqaleqari na Kalou; na tamata e ciqoma ga na cocovi mai Vua. Na qaqa taucoko e rawai ni vakamatei Sisira o Jaeli ni solia vua na sucu me moce kina.

“A sa rairai vua ko koya na Agilose i Jiova, ka kaya vua, ‘Sa tiko vata kei iko ko Jiova ko iko na tamata ni valu qaqa!’” (Dauveilewai 6:12) E dua na iwase vou ni Veileqaleqari. Na mataivalu ni Mitiani era roboti Isireli me vaka na vodre, ka kania na ka kecega (Dauveilewai 6:5). Na Kalou e vakananumi ira na Nona tamata me baleta na nodra ivalavala ca (Dauveilewai 6:8-10) ka vakauta yani vei ira e dua na nodra dauniveisereki (Dauveilewai 6:14). Oqo na ikabakaba eso ki na qaqa: a)E vakatabui o Kitioni. E vakarusa na icabocabo ni soro vakapekani ka cakava e dua na veiyalayalati kei na Kalou (Dauveilewai 6:32, 36-40). b)Era vakatabui na lewe 300. Era digidigi me ra valuta na ivalavala ca (Dauveilewai 7:7). c)O ira na 10,000 na tagane “sega ni vakadeitaki ira” kei ira na 22,000 na “sorosoro” era sema vata mai (Dauveilewai 7:23). d)O ira na sega ni kacivi e liu era sema talega mai (Dauveilewai 7:24). Na Kalou e rawa ni vakayagataki Kitioni ka vakavinavinakataki na nona yalomalumalumu ka sega ni laveti koya vaka ikoya. E rawa ni vakayagataki keda talega kevaka eda yalomalumalumu vakataki Kitioni.

“A sa lewai ira na Isireli ko koya (Samisoni) ena nodra gauna na Filisitia, ka yabaki ruasagavulu.” (Dauveilewai 15:20). Na duidui ni vinaka kei na ca e dau sega ni matata ena so na gauna ena Veileqaleqari oqo. Ena veika me baleti Samisoni, na Kalou e vakayagataka na nona malumalumu- na nona ivalavala ca- me ka ni qaqa ena vukudra na kai Filisitia. O Samisoni e qaqa ni vakabauta dina ga ni vaka me “sega ni dei” na nona ivakarau (Iperiu 11:32). E vakamatea e 30 na tagane me butakoca na nodra isulu me sauma kina na nona dinau ni veimau ilavo (Dauveilewai 14:19). E vakarusa na nodra iteitei na kena meca ni soli na watina kai Filisitia vua tale e dua na tagane(Dauveilewai 15:1-5). E vakamatea e vuqa na kai Filisitia ni ra vakamai watina kei iratou na nona matavuvale (Dauveilewai 15:6-9). O ira na kai Filisitia era tovolea me ra sauma lesu, ia e vakamatea e 1,000 vei ira ena sui ni galegale ni dua na asa (Dauveilewai 15:15). E vakarusa e dua na valenisoro vakapekani kei na 3,000 na kai Filisitia baleta ni ra vakamatabokotaki koya (Dauveilewai 16:28).

“A sa kaya ko Ruci: ‘Mo kakua ni cikevi au me’u laivi iko, ka me’u lesu ka kua ni muri iko; ni’u na lako kina vanua ko sa lako kina; ia, na vanua ko tiko kina ka’u na tiko talega kina; ia na kai nomu era na kai noqu,na nomu Kalou talega ena noqu Kalou.’" (Ruci 1:16) Na vuvale oya e ratou biuta na nodratou vanua ka bula ena dua na vanua dredre. Na veisagai ni tevoro e vakamatea e tolu mai na va na lewe ni matavuvale. Ia, e rawai e dua na yalo vou vei ira na tamata ni Kalou. E vakavulica vei Ruci o Neomai na vakabauta dina. E digitaka o Ruci me tikidra na tamata ni Kalou ka kunei Poasa. E voli koya mei vakaraitaki ni noda iVakabula. Na Veicoqacoqa Levu e sega ni ivalu walega ena kedrau maliwa o Karisito kei Setani. O ira na tamata ni Kalou era valu talega kei ira na meca. Na tamata kece e rawa ni qaqa se lusi ena ivalu oqo ena yalona.

“Ena maroroya ko Koya na yavadra na Nona tamata yalosavasava, ia era na vagalui ena butobuto ko ira na ivalavala ca. Ni sa sega ni gumatua na tamata ena nona kaukauwa ga.’” (1 Samuela 2:9) O Ana-na tinai Samulea-e lagata e dua na sere e soli mai cake me baleta na nodra rawa ka se malumalumu na tamata ni Kalou. O Ilai kei Samuela e rua na dauveilewai “yalosavasava” ka vakadinata na kaukauwa ni Kalou. E rau mate ena yabaki sa matua ka rokovi mai vei ira na tamata. Ia, o ratou na luvena era dui vakadinata ga na nodra kaukauwa kei na vakatulewa. Qai vo tu ga na nodra ivalavala ca ni oti na gauna-sega na vakarokoroko, vosa vakacacataka na Kalou, butako, dauyalewa, sauma me rawa ka. Na italanoa kei Isireli e a rawa ni duidui sara kevaka e ratou muri Samuela na luvena. Na noda bula e wili tu ena Veicoqacoqa Levu. Eda liutaki ira eso kina yalosavasava se ivalavala ca mai na noda ivakarau.

“’Me vaka na veisiga nei Noa, ena vaka talega kina ena veisiga ni Luve ni Tamata.’ Ena tiko na tamata era gumatua ena cakacaka vinaka ni Kalou, ka ra tu vakadodonu ena loma ni veivakagagai ni tabatamata qaqasorosoro oqo. Era na tu na tamata era kukube matua kina kaukauwa vakalomalagi kara na sega ni rawai mai na veitemaki kecega. Na veitaratara ca ena vei vola eso era na tovolea me ra vosa kina nodra veigagadre eso ka vakacacana na nodra vakanananu; ia era na sa bau semai dei tu vua na Kalou kei ira na agilosi ka ra vakataki ira na sega ni raica ka sega ni rogoca. E tu e dua na cakacaka ka sega ni dua e rawa ni cakava ena vukudra, oya na kena valuti na ivalu vinaka ni vakabauta, ka kubeta na bula tawamudu. Era na sega na nuitaki ira ga vakataki ira, se nanuma ni ra rawati ira ga. Ni ra kila na nodra malumalumu, era na sema na nodra lecaika kina vuku nei Karisito, na nodra malumalumu kina Nona kaukauwa.” E.G.W. (Testimonies for the Church, vol. 3, No. 25, cp. 39, pg. 472)