Lès 1 pa Òktober 1, 2016

Job su tribulashon tabata grandi, pero el a yega na un fin. Kon el a finalisá? Ki lès nos por siña di esaki?

“ Y Señor a restorá Jòb su perdidanan ora ku el a hasi orashon pa su amigunan. Enberdat Señor a duna Jòb dòbel di tur loke e tabatin promé… Asina Jò a muri, un hòmber bieu i yen di dia.” (Jòb 42:10, 17 ) Promé Jòb 1:3 7 yiunan hòmber i 3 yiunan muhé 7,000 karné3,000 kamel 500 yugo di buey 500 buriku yewa Finalmente Jòb 42: yiunan hòmber i 3 yiunan muhé 14,000 karné6,000 kamel 1,000 yugo di buey 1,000 buriku yewa Jòb a finalisá ku dòbel di tur kos ku e tabatin promé. Adishonal, su yiunan muhé tabata esnan di mas bunita riba tera. El a topa su nietunan i su bisa-nietunan i el a biba 140 añanan mas pa gosa di tur kos! Sinembargo, Jòb a muri finalmente.

“ Tuma nota di e hende sin kulpa, i opservá esun rekto; pasombra e futuro di e hende ei ta pas.” (Salmo 37:37) Tur persona rekto ta biba un fin felis? Laga nos studia e siguiente ehèmpelnan: ABEL Genesis 4:8 ELÍ 1 Samuel 4:18 URIAS 2 Samuel 11:17 JOSIAS 2 Kronikanan 35:22-24 JUAN BOUTISTA Mateo 14:10 ESTEBAN Echonan 7:59-60

“ Pesei no huzga nada promé ku tempu, te ora Señor bini, Kende lo trese na kla tantu e kosnan skondí di skuridat i ta revela tambe e konsehonan di e kurason. E ora ei kada hende su elogio lo bini for di Dios.” (1 Korintionan 4:5) Na final di Jòb su tribulashon, el a wòrdu restorá na un mihó posishon ku promé. Sinembargo, esei no tabata un restorashon kompleto. Ainda e tabata kòrda e yiunan ku el a pèrdè i e eksperensia teribel ku el a biba… No importá kiko nos a biba dor di dje, meskos ku esun di Jòb, nos restorashon nunka lo ta kompleto den e bida aki. Semper lo tin preguntanan sin kontesta i heridanan no kurá. Sinembargo, Dios a primintí ku E lo “trese na kla e kosnan skondí di skuridat.” E lo restorá nos kompletamente den futuro.

“ Y den e dianan di e reinan aki e Dios di shelu lo lanta un reino ku nunka lo wòrdu destruí; i e reino lo no wòrdu lagá pa otro pueblo; e lo kibra na pida pida i lo destruí tur e reinonan aki, i e lo para pa semper.” (Daniel 2:44) E Beibel ta splika ku e historia di humano pekaminoso tin un fin. Dios lo restorá tur kos na nan kondishon initial. E lo kita piká i su konsekwensianan pa semper. E buki di Jòb ta finalisá ku su morto, pero esei no ta e fin di su historia. Morto lo no ta e fin di nos historia tampoko. Un dia “ e santunan di e Haltísimo lo risibí e reino, i poseé e reino pa semper, asta pa semper i semper.” (Daniel 7:18). Esei lo ta e dia di nos restorashon kompleto.

“ Si un hende muri, lo e bolbe biba? Tur e dianan di mi servisio duru lo mi spera, te ora mi kambio bini. Abo lo yama, i ami lo kontestáBo; Abo lo anhelá e obra di Bo mannan.” (Jòb 14:14-15) E final di e finnan lo bini ku e restorashon di Dios Su Reino etèrno. E ora ei lo no tin finnan mas. Na e momento ei, hopi santunan for di diferente siglonan ya kaba lo a muri i nos tambe lo a muri kaba. Lo nos biba atrobe? Jòb tin un kontesta firme na e pregunta ei. Ora ku e lo tende e Bos ta yama nos, e lo kontestá ku un kurpa resusitá. Y esnan ku ainda ta na bida lo wòrdu transformá ora nan tende e Bos ei (1 Korintionan 15:52). “ No straña boso di esaki; pasobra e ora lo yega den kual tur ku ta den graf lo tende Su bos.” (Juan 5:28).

“ Satanás, pa medio di su éksito den bira hende un banda for di e kaminda di obedensia, a bira e dios di e mundu aki.’ 2 Korintionan 4:4. E dominio ku un tempu tabata di Adam a pasa na e usarpadó. Pero e Yiu di Dios a proponé pabini na e tera aki pa paga e kastigu di piká, i asina ei no solamente redemí hende, pero rekobrá e dominio pèrdí. Ta di e restorashon aki ku Mikeas a profetisá ora ku el a bisa, ‘ O Toren di e tou, e forti di e yiu muhé di Sion, serka Bo e lo bini, asta e promé dominio.’ Mikeas 4:8. E apòstel Pablo a referí na esaki komo ‘ e redenshon di e poseshon kumprá.’ Efesionan 1:14. Y e salmista tabatin na mente e mesun restorashon final di hende su herensia original ora ku el a deklará, ‘ E hustunan lo eredá e tera, i lo biba den djé pa semper.’ Salmo 37:29” E.G.W. (Prophets and Kings, cp. 58, pg. 682)