NA VEITATAUNAKI

NA VEIVAKARARAMATAKI [AWARENESS] Na nodra kacivi nai Liuliu ni vei Mataisoqosoqo,Vakatawa, Tuirara, Dauniyau, mera vakadeitaki tale enai tavi. Na nodra vakararamataki nai Vavakoso lewe ni Lotu Taucoko sara. Me vakadeitaki vei ira ni sai koya oqo nai vakarau vou ni Veiqaravi eda sa na muria yani.

TOSOVATA VAKAIVAVAKOSO E rui bibi me qaravi na Veivakararamataki taumada mena vukea na noda na rawa ni tosovata tiko vakaivavakoso. Kevaka ena sega ni matata vinaka vei ira taucoko nai vavakoso nai lakolako vou ni noda Veiqaravi – Era na Dreti keda tale tiko ki Muri.

KOMITI NI CONNEXIONAL PLAN Me digitaki na Komiti eso ni Connexional Plan; Valenilotu. Tabacakacaka. Wasewase. Meratou yadrava na kena cakacakataki na Connexional Plan.

NA VALENIVOLAVOLA Sa mai 180 na yabaki na Lotu Wesele e Viti. Eda i katolu ni taukei ni Qele levu duadua e Viti. Ia, Ni da raica vata oqo kei na noda dui Valenivolavola, eda sa rairai dravudravua saraga vakalevu. Eso era semavata ga na Valenivolavola kei na nodrai tikotiko nai Talatala. Me toki tani na Valenivolavola.

VEIKA ME TIKO ENA VALENIVOLAVOLA Na veika e dodonu me sa tu ena noda dui Valenivolavola ni kua; Computer – Laptop/Desktop se ruarua. Printer – Colour Photocopier Internet Projector Screen, etc

NA NODA VEI VALENILOTU Me daumaka tu nai rairai ni noda dui vei Valenilotu. Me Veirauti nai Dabedabe ni Valenilotu kei na Kenai Vavakoso. Me matata vinaka tu vua na Tuirara ni Valenilotu nai yaya kece sara e dodonu mera tiko ena Valenilotu. Me tiko na ‘Asset Register’ ni Valenilotu ka me dau ‘Audit’ nai yaya ena vei yabaki.

ME DAU ‘AUDIT’ NAI LAVO KEI NAI YAU QAQA NI LOTU Oqo me rau dau qaravi ena vei yabaki taucoko sara. Me matata nai yau ni Tabacakacaka kei nai Wasewase. Me matata na vanua era dui tiko kina. Me ra yadua na ‘Asset Register’ Nai vola tukutuku ka baleta na kena ‘Audit’ taki nai lavo me dau vakau e dua na kenai lavelave ki Valenivolavola Liu.

NA NODA SOLI BULA Me matata vinaka na kedrai wiliwili era sa Soli Bula oti, Tuberi, Vakatabui, ka vakatokai mera lewe ni Siga Dina. O ira oqo mera kacivi ki nai tutu ni Veiliutaki ena vei mataisoqosoqo ena loma ni Lotu. Ena sega ni rawa me veiliutaki e dua ka se bera ni lewe ni Siga Dina.

BULA VAKAYALO NI DAUVEIQAQRAVI Me daumaka tu na Bula Vakayalo. Me vinaka tu na nomudrau veimaliwai kei na Kalou. Me vinaka tu na nomu bula ni Masumasu. Me vinaka tu na nomu bula ni Wilivola Tabu. Mo bula Vakasinaiti tu ena Yalo Tabu. Mo dau Vakarorogo ka dau Talairawarawa.

NA BULA NI TAMATA DAUVEIQARAVI Eda sa na qarava tiko na Kalou ena noda qaravi ira na tani. [Marika 10:43] Eda dau vakayagataka ga na veika sa tu rawa meda vakayagataka. [Dauvunau 11:4] Na dauveiqaravi e sega ni dau vakabibitaka ga eso nai tavi. [Luke 16:10]

NA BULA NI TAMATA DAUVEIQARAVI Era dau Vakarorogo. [V/Balebale 3:28] Era dau tuvakarau ena veigauna taucoko sara kevaka era kacivi. [2 Timoci 2:4] Era dau biuti ira ga e ra. [1 Pita 5:5] Era dau vakaotiva vinaka sara na nodrai tavi. [Maciu 26:23]

DAUVEIQARAVI YALO DINA Me dau volai vakadodonu na Macala ni veika e Rawati. Na veika e sega ni rawati me matata na Vuna. Tuvalaka tale e dua na kena sala vou.

NI DOU SEGA NI RAWATA NA TAKETE Dou tarogi kemudou ena vei Taro oqo; A cava e vuna na neitou sega ni rawata? A cava me keitou cakava me keitou na rawata kina? Tuvalaka tale e dua na kena sala vou mo dou na muria ena vula mai oqo.

TUVATUVA ENA TAUDAKU NI CONNEXIONAL PLAN Eda na sega tale ni tuvalaka e dua nai Tuvatuva ena Taudaku ni ‘Connexional Plan’ Na noda dui ‘Performance Plan’ sa na tukuna tiko vei keda se cava meda na cakava ena vula veitaravi sa tu e Matada.

ME DAU VAKALEWENI VAKADODONU NA ‘PERFORMANCE PLAN’ Kevaka me a qaravi, ia me vakaleweni Vakadodonu na ka e Rawati. Kevaka e a sega ni qaravi, ia me biu kina na ‘Zero’ Dau qarauna me donu vinaka na nomu cakacaka vakafika. [Calculations]

KUA NI LEQATAKA NA VEIKA KO RAWATA. Vakalewena vakadodonu na veika Dina ko rawata. E levu era nanuma ni sa rui lailai na veika era rawata, era qai tomana tale ena vuku ga ni kenai rairai. Me kua sara ni curumi iko na Yalo ni Veisisivi. [Spirit of Competition]

ENA TAURA E DUA NA GAUNA E sega ni ura me sa tei Damu. Ena taura e dua na gauna me matau kina vei keda nai walewale vou ni Veiqaravi ka vakayagataki kina na ‘Connexional Plan’ Vakamuria vakavinaka sara na kena sala me yacova ni sa matata ka matau mai vei iko na cava mo na cakava.

ENA YACO MAI NA VEISAU Ena rawa ni tauri keda ena loma ni 3 na yabaki na noda na rawa ni qai ciqoma vinaka sara nai Walewale vou ni Veiqaravi qo. Ena veisau taumada nai vakarau ni noda Vakasama, sa na qai rawa ni da vakadinadinataka na veisau ena kauta mai nai Walewale vou qo ni noda Veiqaravi.

VINAKA SAKA VAKALEVU