THĒSEUS RĒX

Thēseus nāvem vēlō albō nōn ōrnāvit; Aegeus quī vēlum ātrum ex arce vīdit sē in mare iēcit et mortuus est. Mare nōminābātur Aegaeum, huius rēgis causā et exitūs maestī.

Thēseus factus est rēx; templa flōribus corōnantur; populus Minervam cum Iove dīsque aliīs honōrat quōrum templa sanguine vōtō mūneribusque datis tūribusque dēcorat.

Supplex Calydōn, urbs vīcīna, auxilium Thēseī petīvit, quamquam Meleagrum fortem ducem habēbat. Causa petendī erat ingēns sūs, quod mōnstrum agrōs et pāstōrēs et canēs et vēnātōrēs Calydōnis vastāverat.

Hunc suem Calydōn Thēseum ōrāvit ut necāret et terrōrem fīnīret Hunc suem Calydōn Thēseum ōrāvit ut necāret et terrōrem fīnīret. Vīcit hērōs suem multīs cum comitibus inter quōs erant Iāsōn et Pīrithoüs et virgō vēnātrix Atalanta et hērōs Calydōnius, Meleager ipse.

Aliī Aegidem rogāvērunt ut auxilium daret, imprīmīs septem prīncipēs quī bellum contrā Thēbānōs gessērunt, quōrum rēx Creon eōs vetuerat corpora interfectōrum humāre.

Oedipum quoque fugientem in exsiliō recēpit cum hic miser caecus cum fīliābus duābus errābat.

Oedipum Gerculī amicitiam Thēseus fert postquam ille furēns coniugem et līberōs necāverat et posteā in sānitātem mentis revēnerat. Aegidēs semper Herculem mīrātus etiam post tantum factum malum eī persuāsit nē sē necāret.

Hercule comite, Thēseus trāditur in terrā Amāzonum bellum gessisse Hercule comite, Thēseus trāditur in terrā Amāzonum bellum gessisse. Cum Athēnās redīret Hippolytam rēgīnam eārum sēcum rettulit.

Haec autem īnfēlīx pugnāns iuxtā Thēseum in proeliō necāta est..

Text reprinted from Latin Via Ovid, A First Course, Second Edition by Norma Goldman and Jacob E. Nyenhuis, copyright © 1982 Wayne State University Press, with the permission of Wayne State University Press.