KARAPAT-DAPAT ANG KORDERO Liksyon 4 para sa ika-26 ng Enero, 2019

Ang pangitain ng trono. Apocalipsis 4:1-3, 5, 9-11 Ang 24 na matatanda. Apocalipsis 4:4 Apat na buhay na nilalang. Apocalipsis 4:6-8 Ang selyadong aklat. Apocalipsis 5:1-4 Karapat-dapat ang Kordero. Apocalipsis 5:5-14 May apat na serye ng pitong mga bagay sa Apocalipsis: 7 iglesia, 7 tatak, 7 trumpeta at 7 salot. Ang kabanata 4 at 5 ay pagpapakilala sa ikalawa, ang pitong tatak. Ang pinakamahahalangang mga tanong ay: Ano ang ibig sabihin ng selyadong aklat? Bakit napakahalaga ang pagbukas dito? Bakit ang Kordero lang ang karapatdapat na magbukas nito?

ANG PANGITAIN NG TRONO “At mula sa luklukan ay may lumalabas na kidlat, at mga tinig at mga kulog. At may pitong ilawang apoy na mga nagliliyab sa harapan ng luklukan, na siyang pitong Espiritu ng Dios.” (Apocalipsis 4:5) Ang pangitain ni Juan sa trono ng Dios ay pareho ng kay Moses (Exodu 24:9-10), ng kay Isaias (Isaias 6:1- 4) at ng kay Ezekiel (Ezekiel 1:22, 26-28). Ang bahaghari sa palibot ng trono ay paalala ng pangako at pag-iingat ng Dios (Genesis 9:9-17). Maaari tayong lumapit ng may kompyansa sa trono ng Dios (Hebrews 4:16). Tumatanggap ang Ama ng makatatlong papuri at makikilala ang Kanyang kapangyarihang malikhain at nagpapatuloy (v. 11). Sa pangitaing ito, pinuri ang Ama dahil sa Kanyang kapangyarihang pamahalaan ang ginawa Niyang sandaigdig.

ANG 24 NA MATATANDA “At sa palibot ng luklukan ay may dalawangpu't apat na luklukan: at sa mga luklukan ay nakita kong nangakaupo ang dalawangpu't apat na matatanda, na nadaramtan ng mapuputing damit; at sa kanilang mga ulo ay may mga putong na ginto.” (Apocalipsis 4:4) Hindi sila tinawag na mga matatanda dahil sa kanilang edad ngunit dahil sa kanilang posisyon. Kumakatawan sila ng grupo ng mga tao. Puting damit: Katuwiran. Koronang ginto: pagkahari o pagtatagumpay. Sila marahil ang unang bunga na nabuhay mag-uli kasama ni Jesus at tumira sa Langit, na kumakatawan sa sangkatauhan (Mateo 27:52-53) Maaari nilang katawanin ang bayan ng Dios sa luma at bagong tipan: 12 patriarka at 12 apostol (Mateo 19:28) Maaari silang kinatawan ng ibang mga mundong ginawa na hindi nahulog sa kasalanan, at nagsisilbing 24 na mga pari sa harapan ng Dios (Apocalipsis 5:8)

ANG 24 NA MATATANDA “At pagkakuha niya ng aklat, ang apat na nilalang na buhay at ang dalawangpu't apat na matatanda ay nangagpatirapa sa harapan ng Cordero, na ang bawa't isa'y may alpa, at mga mangkok na ginto na puno ng kamangyan, na siyang mga panalangin ng mga banal.” (Apocalipsis 5:8) Gaya ng pinaliwanag ni C. Mervyn Maxwel sa kanyang aklat na “God Cares. The Message of Revelation”, nakita ni Juan iyong mga makalangit na matatanda bilang mga pari, na may suuban at naghahandog ng insenso habang nananalangin ang mga tao (Apoc. 5:8). Ang King James version ay nagsasabi na ang 24 na matatanda ay nagsasabing: “Ikaw … ay nagtubos sa amin sa Dios sa pamamagitan ng iyong dugo mula sa bawat angkan … at bansa; … at gumawa sa aming … mga pari." (Apoc. 5:9, 10)… Ang mga Bible scholars ay nagkakasundo na talagang sinabi ng 24 na matatanda na niligtas ni Kristo “ang mga tao” (hindi “tayo”), at ginawa “sila” (hindi “tayo”) ni Kristo na maging mga pari para sa Dios. Ang Griegong sulat ng Apocalipsis ay sumusuporta sa opinion ng mga scholars, at ganito nasalin ang mga modernong bersyon. Ang 24 na mga matatanda ay hindi kinakailangang tao, ngunit sila parin ay mga kaibigan natin. Tinutulungan nila tayo kung tayo’y nananalangin. Nakita ni Juan na sila’y naghahandog ng simbolikong insenso habang tayo’y nananalangin. Dapat tayong magpasalamat sa kanila.

APAT NA BUHAY NA NILALANG “At ang unang nilalang ay katulad ng isang leon, at ang ikalawang nilalang ay katulad ng isang guyang baka, at ang ikatlong nilalang ay may mukhang katulad ng sa isang tao, at ang ikaapat na nilalang ay katulad ng isang agila na lumilipad.” (Apocalipsis 4:7) Ang aspeto nitong mga nilalang at dahil apat sila ay nag-uugnay sa kanila sa Lupa. Leon: Mababangis na hayop Baka: Maaamong Hayop Tao: Sangka-tauhan Agila: Lumilipad na hayop Hindi sila tao, tinawag silang “kerubin” (Ezekiel 10:2) Kinakatawan nila ang mga anghel na gumawa ng pabor sa sangkatauhan (Mateo 18:10)

ANG SELYADONG AKLAT “At nakita ko sa kanang kamay niyaong nakaupo sa luklukan ang isang aklat na may sulat sa loob at sa labas, na tinatakang mahigpit ng pitong tatak.” (Apocalipsis 5:1) Ipinapaliwanag ng bibliya na ang Diyos ay nagtatala ng kasaysayan ng tao (Ex. 32:33; Ps. 40:7-9; 56:8; 69:28; 139:16; Dan. 7:10; 12: 1; Phil. 4:3; Rev. 3:5). Gayunam, makikita ni Juan ang hinaharap, “ang mga bagay na mangyayari pagkatapos nito” (4:1). Na ang karunungan ay silyado (tinabunan, nakatago) para sa lahat maliban sa karapatdapat na magbukas nito. Tanging si Jesus ang makakabukas ng aklat na iyon, dahil Siya ang Leon (nagtagumpay Siya) at ang Kordero (namatay Siya para iligtas tayo). Ang laman ng aklat ay kaugnay sa kasaysayan ng ating kaligtasan. Laman nito “ang kasaysayan ng pagkalinga ng Dios, ang hinulang kasaysayan ng mga bansa at iglesia” (E.G.W., Manuscript Releases, vol. 9, MR No. 667).

E.G.W. (Christ’s Object Lessons, cp. 23, p. 294) “Kaya gumawa ng pasya ang mga Hudiong lider [hal. Patayin si Jesus]. Naitala ang kanilang desisyon sa aklat na nakita ni Juan sa kamay Niyang nakaupo sa trono, ang aklat na walang taong makakabukas. Sa lahat ng pagiging mapaghiganti nito ay ipapahayag ang hatol sa kanila sa araw na buksan na ang aklat ng Leon ng tribu ng Juda.”

KARAPAT-DAPAT ANG KORDERO “Ikaw ang karapatdapat na kumuha ng aklat, at magbukas ng mga tatak nito: sapagka't ikaw ay pinatay, at binili mo sa Dios ng iyong dugo ang mga tao sa bawa't angkan, at wika, at bayan, at bansa.” (Apocalipsis 5:9) Ang Kordero (Jesus) ay karapatdapat dahil Siya’y inalay. Dahil sa alay na iyon, binigyan Siya ng lahat ng kapangyarihan at kapamahalaan (Mateo 28:18; Efeso 1:20-22). Ang dakilang choir sa langit ay umaawit ng pitong beses na papuri, na nagpapahayag na karapatdapat tumanggap si Jesus: Kapangyarihan Kayamanan Karunungan Kalakasan Karangalan Kaluwalhatian Pagpapala Sa krus, napagtagumpayan ni Jesus at naibalik ang nawala ni Adan sa Eden. Inihaharap Niya tayo sa Ama at namamagitan para sa atin (Hebreo 7:25).

“Hindi lubusang mauunawaan ang halaga ng ating kaligtasan hanggang tumayo tayo sa harapan ng trono ng Dios. Tapos habang sumasambulat ang kaluwalhatian ng walanghanggang tahanan maaalala natin na iniwan ito ni Jesus lahat alang-alang sa atin, na hindi lang Siya natapon sa mula sa langit, ngunit para sa atin ay sinuong Niya ang panganib na mabigo at matalo magpakailanman. At ilalagak natin ang ating mga korona sa Kanyang paanan, at papailanlang ng awit, ‘Karapatdapat ang kordero na pinatay upang tumanggap ng kapangyarihan, at kayamanan, at karunungan, at kalakasan, at karangalan, at kaluwalhatian, at pagpapala.’” E.G.W. (The Desire of Ages, cp. 13, p. 131)