کاےاور بکری

کیوں بڑی بی! مزاج کیسے ہیں!

خیر اچھے ہیں

کٹ رہی ہے بری بھلی اپنی ھے مصیبت میں زندگی اپنی

جاں پے آ بنی ہے کیا کہیے اپنی قسمت بری ہے کیا کہیے

دیکھتی ھوں خدا کی شان کو میں رو رہی ہوں بروں کی جان کو میں

زور چلتا نہیں غریبوں کا پیش آیا لکھا نصیبوں کا

آدمی سے کوِئ بھلا نہ کرے اس سے پالا پڑے خدا نہ کرے

دودھ کم دوں تو بڑبڑاتا ھے ہوں جو دبلی تو بیچ کھاتا ھے

ہتھکنڈوں سے غلام کرتا ھے کن فریبوں سے رام کرتا ھے

اس کے بچوں کو پالتی ھوں میں دودھ سے جان ڈالتی ھوں میں

بدلے نیکی کے یہ برائ ھے میرے اللہ! تیری دہائ ھے

ایسا گلا نہیں اچھا

بات سچی ھے بےمزہ لگتی میں کہوں گی مگر خدا لگتی

یہ چراگاہ یہ ٹھنڈی ٹھنڈی ہوا یہ ھری گھاس اور یہ سایا

ایسی خوشیاں ہمیں نصیب کہاں یہ کہاں بے زباں غریب کہاں

یہ مزے آدمی کے دم سے ہیں لطف سارے اسی کے دم سے ہیں

  اس کے دم سے ہے اپنی آبادی قید ہم کو بھلی کہ آزادی

سو طرح کا بنوں میں ہے کھٹکا واں کی گزراں سے بچاےَ خدا!

ھم پے احسان ہے بڑا اس کا ھم کو زیبا نہیں گلہ اس کا

قدر آرام کی اگر سمجھو آدمی کا کبھی گلہ نہ کرو

یوں تو چھوٹی ہے ذات بکری کی دل کو لگتی ہے بات بکری کی