UPNA SUNGAH KIPUMTKHATNA SINNA-8 November 24, 2018

Tawntung lungdamna thu Khazih nihveina ong kumkik na ding thu Upna thukhun kihawpsawn na pen thukhat peuhpeuh ah ong ki thuhual sak hi. (Sawltak 2:42) A thupi lo nate ah lungsim ngaihsutna kibanglo kha ding hi. Leitung bup kimvel in thu ummi khempeuh ii kibat na ding in kipumkhatna ding in a khangkhang in upna thu guipi te hawp sawn ding ahi hi. Adventist Pawlpi te in thu-um mi pawlpi dangte sangin upna thukhun tam nei zaw hi. Ahizong in, ei Adventist pawlpi in atuam vilvel a upna thukhun akician sinsenin a bawlte ii hi hi. KAMNGAH “Ama hang bek tawh hotkhiatna kingah thei ding hi. Banghang hiam cihleh eite in hotkhiatna ii ngahtheihna ding in leitung khempeuhah Pasian in hong piak min dang khat zong omlo hi,” ci-in a gen hi. Sawltak 4:12 Tawntung lungdamna thu Khazih nihveina ong kumkik na ding thu Vantung Biakbuuk thu Sabbath thu Sihna thugen na

Tawntung Lungdamna thu ii cih in bang hiam? “Tua ciangin leitungah a teng mi namkim, pau namkim a zang mite tungah a tawntungin Lungdamna ding Thu gen ding a nei vantung mi khat vankim lai-ah a leeng ka mu hi.” (Maangmuhna 14:6) Tawntung Lungdamna thu ii cih in bang hiam? Zeisu ong sihna in Pasian tawh ong kilem sak kik aa, tua pen ei a ding in thu hoih ahi hi. Tua ahih manin Pasian in Zeisu Khazih hong tatkhiatna tungtawn in eite in a khawnkhong in midik hong tangsak hi. (Romans 3:24-25). Thukham singkuang tung aa hehpihna tokhom omna mun kikal pen thukham leh ama omna mun siangtho ahi hi. Hehpihna tokhom pan Zeisu in eite mawhna ong thuum sak hi (1 John 2:2; 4:9-10; 1 Peter 2:21-24). Zeisu a sangkhin te in upna sungah pumkhat suakkhawm in a hoih lam a nasep na khat ii nei aa tua in: tawntung lungdamna thu taangko ding ahi hi.

KHAZIH NIHVEINA ONGKUMKIKNA DING THU “Banghang hiam cihleh eite in vantunggam mi ii hi a, tua gam panin Honpa ahi Topa Zeisu Khazih hong pai ding lawptak in ii ngak hi.” (Philippians 3:20) Ama ong genna ih upmah bang in Zeisu leitung ah ongpai kik ding hi. Vantung ah akahtoh bang in hongpai kik ding (Sawl. 1:11) Mi khempeuh in muthei ding (Mt.24:26-27; Mang. 1:7) Kiza thei ding (1Co. 15:52) Asi sa te ong thawhkikna ding leh a nungta laite kikhel ding (1Ts. 4:13-18) Eite in tua hun ciang bang hongpiang ding cih ii thei kei hi, a hih hangin ama ongsap na ih ngak laitak ahi hi. Ama ong kumkik ding hunpen hun khat peuhpeuh hi ding hi. (Mt. 24:36; 25:1-13). It na leh hehpih na a nei Pa Pasian tawh tawntung ii hun zatna ding ii ngak laitak hi aa , Topa Zeisu nih veina ong kumkik ding ci a ii lam-et na in, upna sungah pumkhat ong suak sak hi.

VANTUNG BIAKBUUK THU “Amah in mihing lam a hilo Topa mahmah in a lam biakbuuk taktak sunga Siangthopen Mun ah siampi nasep a sempa ahi hi..” (Hebrews 8:2) Laisiangtho sungah vantung biakinn or biakbuuk acing in ii et ciangin Pasian teenna mun ahi hi. (Psalm 11:4; 102:19; Rev. 7:15; 15:5; Heb. 9:24). Leitung a biakbuuk in a hih leh vantung biakbuuk aa nasepna akizatdan ii telna ding a onglak ahi hi. Ahang in mawhna ong paihkhiat sak ding hi. Zeisu in vantung biakbuuk sungah Siampi Lianpen hi aa, eite a ding in tua mun ah palaai ongsep sak hi. (Heb. 7:25). Siansuah ni liimcin na in Zeisu nihvei na ong kumkik ma in, vantung biakbuuk sungah thukhen na ongsep sak ahi hi. Banghun in kipan hiamcih leh 1844 ong kipan hi; (Lev. 16; Dan. 8:14). Khazih ii nasep pen vantung biakbuuk ah ii kigawm theihna ding leh eite a dingin akisam hehpihna leh itna deihsakna tawh ong sep sak ahi hi.

“Sabbath ni a siangtho a zat ding phawk un.” (Pai.20:8) SABBATH THU Pasian in a ni sagihna ni thupha pia-in siangthosak hi. (Piancil. 2:3) Tua pen note tenna khempeuhah Topa-a dingin Sabbath ahi hi. (Siampi. 23:3) Tua in Pasian leh ama mite kikal ah, liim hi ding hi.(Eze. 20:20) Laisiangtho luisung aa Sabbath thu. Zeisu in Sabbath akepcing na leh damsakna. (Luka. 13:10-17) Sawltakpi te in Sabbath akepcing na leh Jews leh Gentile te kiangah Sabbath thu a genna. (Sawl. 13:44; 16:13) Laisiangtho thaksung aa Sabbath thu Tua in mawhna pan in ii suahtak theihna ding ongphawk sakkik na. (Thuhilhkkna. 5:15) Ih nuntak na leh ii hun te Pasian aa, a hih lam ong genna. (Pai. 20:8-11) Tua ciangin TOPA sungah lungnopna na mu ding uh hi. (Isa. 58:13-14) Tuni.. Sabbath ni “Sabbath ni a siangtho a zat ding phawk un.” (Pai.20:8)

SIHNA THUGEN NA “Tua bangin hih a muatthei pumpi in a muattheilo ongsuak in hih a sithei pumpi in sihtheihlohna hongsuah ciangin, Laisiangtho thu hong tung taktak ding hi. Laisiangtho in, sihna maimangin gualzawhna in khuplet hi.” (1 Corinthians 15:54) Sihna a ki suksiat mateng eite in sih theih lohna nei thei lo ding hi hangh. Tua ahih manin eite ii sih khit ciang in a si theilo “kha” nungta lai hi. Pasian sungah sihtheih lohna kimu khia thei hi. (1Tim. 6:15-16). Nihvei kumkik na ah tua pen eite ongpia ding hi. (1Co. 15:50-55; 1Ts. 4:13-18). Tua hun sungin, ii sihna, ii ihmut na pan a hi zongin, mitphiat kal sungin Zeisu aw za in ii thokhia ding hi. (Ecc. 9:5-6, 10; Psalm 146:4; 115:17; Jn. 11:11-15; Jn. 5:28). Mihing te ii sih theih lam ii ki theihman in eite ong ki tel cian sak in eite ama tungah kipum piakna leh Pasian tungah ii nuntak huih diik sim in a ma tungah ong kinga sak hi.

“Eite in Pasian kiangah nasep khat tek leh tavuan khat tek ih nei hi “Eite in Pasian kiangah nasep khat tek leh tavuan khat tek ih nei hi. Ei leh ei thukhen na a zui te ii hi kei hi. Ei te in ii lawm te lungsim ngaihsut na te ai zong in ih pawlpi ong makaih thei tuan lo hi. Pasian ii thukham leh teci pan nate in ih lungsim ah ong teeng in ih upna ong tha hatsak hi. Tua pen Pasian nasem te kiang pan in ih zuih ding thukhun pi te leh Khasiang tho makaih na ahi hi.” E.G.W. (Testimonies to Ministers and Gospel Workers, cp. 3, p. 30)