Lesoni 1 ni Janueri 3, 2015

“A vosa vakaibalebale i Solomoni na luve i Tevita, na tui Isireli.” (Vosavakaibalabale 1:1) Na vosa i Akuri, na luve i Jake, na parofisai ka vosataka ko koya vei Icieli, io vei rau ko Icieli kei Ukali. (Vakaibalebale 30:1) A vosa i Lemueli na tui, na parofisai ka vakavulica vua ko tinana. (Vosavakaibalabale 31:1) Na iwase levu ni Vosavakaibalebale e vola na Tui o Solomoni ena matai ni wasewase ni nona veiliutaki. O Solomoni e turaga vuku taudua e sa bau bula. E so na iwase ni Vosavakaibalebale e ya vakasokumuni ena gauna ni veiliutaki nei Esakaia a tui. Na vei vosa kece oqo – wili kina na nei Akuri kei Lemueli; e ya ceguva talega na Yalo Tabu. E volai ka maroroi meda vuli mai kina.

Ena rarama ni V/vakaibalebale 1:2-6, a cava e yaga ni vuku?

Na cava na yavu ni vuku? Na rerevaki Jiova sa vu ni lomavuku (Vosavakaibalabale 1:7) Na rerevaki Jiova e okati kina na:  Mo rerevaka na vakararawataki Koya.  Mo rokova na Lomana kei na Nona lewa.  Mo vakatulewa ga me vaka na Nona Vosa.  Mo lomani Koya ka muri Koya.  Mo vakila tiko ni tiko vata kei iko ena vei gauna kei na vei vanua.

Na luvequ, mo vakarorogo ki nai vakavuvuli i tamamu, Ka mo kakua ni biuta na vunau i tinamu: Ni na dua na uku talei ki na ulumu, Kei nai taube ki na domomu. (Vosavakaibalabale 1:8-9) Na ulu kei na domo e ivakaraitaki ni ivakarau ni tamata. Na tamata vuku ena tuberi cake na nona ivakarau ena nona dau vakarorogo vei rau na nona itubutubu. Ena qai yaco kina me na lako laivi mai na nodra sala na lialia era sa sega ni dau rogoca na ivakasala ka muria ga na lomadra. E vakaraitaki oqo ena yava e tukuni ena tikina e E sa nodrau itavi na itbutubu me ra tuberi na gone kina bula tawa mudu. Oqori e itavi vakalou. E bibi cake na noda gauna vata kei ira na luveda mai na noda gauna ni cakacaka se bisini. E bibi cake na veituberi mai na bisinisi.

Na itavi levu taudua nodrau na itubutubu oya na tuberi cake ni nodra itovo na isolisoli – na kena tovolei me vakalesui na iyaloyalo kei Karisito vei ira na gone. E sega kina ni ka bibi sara na kena vulici na vei ka tale eso ena vuku ni inaki bibi oqo, ia na vuli dina ena vakayagataki kina na vei ka e vulici me tara cake na ivakarau dodonu. Na tarai cake ni itovo e cakacaka ni noda bula taucoko ka tawa mudu. Ena yaco na veisau veivakurabuitaki vei keda kevaka walega meda vakila na tikina oqo ka me da kidava ni da sa vakatulewataka tiko ena vei siga na noda itinitini kei na nodra itinitini na luveda – kina bula se rusa tawamudu. Ena veisau na vei ka eda vakayacora ka vakabibi taka ena vei sig aka na vakasinaiti na vuravura vei ira na tamata ivakarau vinaka. E.G.W. (Counsels to Parents, Teachers and Students; section 2, cp. 8, pg. 61)

Koi kemudou na yalowai, me vakaevei na kena dede na nomudou vinakata na yalowai? Ka ra marau ko ira na dauveivakalialiai, e na nodra veivakalialiai, Ka cata na vuku ko ira na sesewa? Dou saumaki mai e na noqu vunau: Raica, ka’u na sovaraka na Yaloqu vei kemudou, Ka’u na vakatakila na noqu vosa vei kemudou. (Vosavakaibalabale 1:22-23 NIV ) O ira era sega ni rogoca na domona. (Vosavakaibalebale 1:28-32 Era na qai kaci mai vei au, ia ka’u na sega ni rogo yani; Era na qarai au vagumatua, a ra na sega ni kunei au O koya era na kania kina na vua ni nodra i valavala, Ka ra na vakamamautaki e na nodra lewa. O ira era na rogoca na nona kaci ena tiko vinaka, ka na vakacegu ka sega ni rerevaka e dua na ka ca Ena vo ga vei keda na noda lasu se na nodra lasu na tani ke vaka eda sega ni ciqoma na vuku vakalou.

A.NA SALA NI RAWATI NI VUKU: 1.Vakarorogo (t. 1-2) 2.Kerea (t. 3) 3.Vakasaqara (t. 4) B.TAURI NI VUKU: 1.E solia na Kalou vei ira era vakasaqara (t. 5-6) 2.Eda taqomaki (t. 7-8) 3.Eda kila na ibalebale ni lewa dodonu (t. 9) C. NA YAGA NI VUKU: 1. E solia vei keda na lewa matau kei na kila ka (t. 10 – 11) 2. E sereki kena mai na sala ni rusa (t. 12 – 15) 3. E sereki keda mai na yalewa dau tagine (t ) D.NA NODA VEISIGA NI MATAKA: 1.Na bula vinaka tiko (t. 20) 2.Bula ena vuravura vou (t. 21) 3.Levei na mate tawa mudu (t. 22)

Maroroi ni vunau ni Kalou ka sa toqai ena yaloda (t. 1-2) Na bulataki ni loloma kei na dina; e tuba (vauca e domomu) kei na lomada (ena vatu ni lomamu) (t. 3-4) Vakararavi vua na Kalou ka vakaraitaka tiko vua (t. 5-6) Eda vakararavi ga ena vuku ni Kalou. Ka da vakayawai keda mai vua na tevoro. (t. 7) Ko na qai kunea na loloma ka rogo vinaka e na mata ni Kalou kei na mata ni tamata. (V/vakaibalabale 3:4) Na ciqomi ni isolisoli ni vuku:

KALOUGATA ENA GAUNA OQO Bula vakayago. Tu vakarawarawa na veika e gadrevi Bula balavu, iyau kei na rokovi Vakacegu Vunikau ni bula: bula kei na loloma e lomada Lako tu ka sega ni rere Veivolekati kei na Kalou. VEIVAKALOUGATATAKI ENA VEI GAUNA NI MATAKA Dua na itikotiko e tawa mudu Laveti cake ena loloma ni Kalou Sotavi na bula lagilagi vakalomalagi. “Mo vakararavi vei Jiova e na vu ni yalomu” baleta ni “ko ira na vuku, ena nodra na vakarokorokotaki, ia sa nodra i votavota na lialia me ra madua”. (Vosavakaibalabale 3:5, 35)

E tuvana yaduadua ena Nona Vosa na Turaga na isolisoli kei na garasia ka na sega ni calati ira era sa cakacaka vata kei Koya. E sega ni tukuna vei keda meda kua ni kauwaitaka na vuli se na vuku, baleta ni sa vakaliutaka na noda vakasaqara na vuku na noda lomana kei na rerevaka na Kalou, ena yaco me ka ni veivakalougatataki na vuku kei na kila ka; ia e sega soti ni vakaliuci oqo me dua na ka bibi sara ena cakacaka ni Kalou. E lako siviti ira na tamata vuku ka vuli vinaka o Jisu ena gauna oya baleta ni ra sa rui raici ira cake ena nodra vuli ka ra sega ni vakila rawa na nodra lolosi kei na tagi na tamata ena duidui ni nodra icolacola ka ra sega kina ni rawa mera cakacaka vata kei na Turaga ni Nasareci. Ena rawa ga ni vakatokari na itovo nei Karisito vei ira era sa sega ni qai kauwaitaki ira vakataki ira. Na vuli cecere vakavuku ena sega ni rawa ni vakatubura na itovo vakarisito. Na vua ni vuku dina e rawa ga mai vei Karisito. E.G.W. (Testimonies to Ministers and Gospel Workers, cp. 10, pg. 259)