Sinna 3, April 18, 2015 ni ading

“Amah in amaute kiangah, ‘Note in kei kiangah,”Zatui siampa, nang ki damsak phot in! Capernaum a kibawl cia ka zak khempeuh uh, nakhua natui ah zong bawl in” ci uh hi.’’” (Luke 4:23) Nazareth khua mite in Zeisu pen Joseph tapa bang bek in ngaihsun uh hi. (Lk. 4:22) Zeisu in akigenkhol Mes-siah ahihna Amahmah kigen hi. (Lk. 4:18-21). Amahmah “kamsang” kici a, (Lk. 4:23) aup-lohna hangun amaute thuhilh hi. (Lk. 4:24-27). Amaute in um nuamlo uh hi. Tua laitak mah in amaute in thah sawm uh hi (Lk. 4:29). Zeisu pen Joseph tapa bek hilo cih san’na in luang leh ban vai ahihi.

“Tua ciangin John’ nungzuite in hih thute va koo uh hi. Tua ciangin John in, a nungzui nihte sam in, Zeisu kiang va dong sak a, ‘Hong pai ding Pa na hi hiam? Adang ngak lai ding maw leh?’ va ci uh hi.” (Luke 7:18-19) Zeisu in pasalno khat nungta kik sak a, mite in kamsangPa ci uhhi. Ahi zongin, John pen thongah omlai a, John suahtak nang bangmah bawllo hi. John in aup ding hanciam hi. “ ‘Kei vai ah puuk nading amulo mi in thupha ngah ahihi’ Honpan acih- na in John ahilhna ahiau khat ahihi. Amanh suplawh lo hi. Khazih’ masuan omzia atelsiam sem ciangin; ait, alunggulh masuan ah sih leh hin dongin kipumpiak hi.” E.G.W. (Khangcin’ Lunggulh, DA, cp. 22, pg. 218

“Vanmi in ama kiangah, ‘ Kha Siangtho in hong tuam in, Sangpenpa vangliatna in hong liah dinga; hong piang ding tua A SiangthoPa in Pasian tapa kici ding hi.’” (Luke 1:35) Zeisu lobuang Adam bek mah “Pasian tapa” kici hi. Luke in Pasian tapa acihna pen numei sungpan pianglo ahihman hi. (Luke 3:38). Mihingte adinga hih kammal akizat ciangin, atam ading bang in “Pasian tate” ci in kizangh hi. Tua min adang akibat pih ah Khazih, Messiah, Tanhkhiapa, Israelte’ Kumpi… (John 1:49; 11:27) cihte khawng hi. Zeisu in Pasian Tapa; Pasian laka khat ahihi. “A vekpi tunga Pasian” ahihi (Romans 9:5 NIV). “Pasian Tapa” (khattang genna) cih kaammal pen LST sung ah 46 vei kimu thei hi. Khat lobuang avek in Zeisu agennuam ahihi.

“Khazih, tua Kammal, acii tuamdiak Pa, in tawntung Pa tawh khat hia – pianphung khat, zialehtongg khat, deihna lunggulhna khat – hi in Pasian holimna leh gelna a akihel thei omsun ahi hi.” E.G.W. (Tuulpite leh Kamsangte, Patriarchs and Prophets, cp. 1, pg. 34)

Luke genna ah, Zeisu “ Mihing Tapa” ahih adeihna thu bang hiam? Amah in kiniamkhiat taka nungta, alu ngakna ding zongh aneilo mi ahihi. (Luke 7:34; 9:58). Amah in Pasian hihna anei omsun ahihi. Mihing’ Tapa in nipini’ Topa hia mawhnate maisak thei hi(Luke 6:5; 5:24). Eite mawhna pana tanhkhia dinga hong pai ahihi. Amanggte zong ding gum ding in hong pai hi. (Luke 9:56;19:10). Amah’n Tatkhiatna in singlamteh ah thuaksiatna leh sihna tuak ding cih thei a, tua ciang bekin Pa maiah ih Palai suak thei ding hi (Luke 18:31-32; 22:22; 12:9). Midikte thamanh pia ding leh Kiking- kalhna vengg sak dingin Leitung ah hong paikik ding hi (Luke 9:26; 12:4; 17:24-30; 21:36; 22:69).

“Amah in amaute kiangah, ‘Kei kua hi hong ci na hi uh hiam?’ aci hi. Peter in, ‘Pasian’ Khazih nahihi’ aci hi.’” (Luke 9:20) Midangte ngaihsutna thupi lo hi. Athupi thu in ken Zeisu koici ngaihsut cihthu ahihi. Keia in Zeisu kua himawk hiam? Khazih, Sathau kinilhpa, Pasian tapa, Mihing’ Tapa, ka Gumpa banga ka san’ leh kipumpiakna in hong zui ding hi. Ka Honpa tungah kiaap vek ding hi. Kumpite’ Kumpipa hong pai ta ding hi. Amah Khazih a asaang- te leh anuntakna’ Topa a asaangte’ tungah A kumpigam pia ding hi.

“Amah in Pa Pasian kiang pana tua a nasia vang tangpi pan in minphatna leh vangliatna angah laitak in aw khat hong ginga: ‘Amah in Ka lungdamna Ka Tapa ahihi! ‘ cihna awging Amah tawh tua mual siangtho tung ah ka om lai un ka zaa uh hi.” (2 Peter 1:17-18) Luke 9:28 ah, Zeisu mual tung ah thungen dingin pai hi. Peter, James leh John zong Amah tawh hong pai hi. Tua ciangin, Moses leh Elijah hong pai in Jerusalem a anunungpen paina vai Zeisu tawh akiho uh hi. Luke 9:28 ah, Zeisu mual tung ah thungen dingin pai hi. Peter, James leh John zong Amah tawh hong pai hi. Tua ciangin, Moses leh Elijah hong pai in Jerusalem a anunungpen paina vai Zeisu tawh akiho uh hi. Tua laitak in, Pa’ aw in Zeisu’ masuan leh Ama Ahihna kip sak hi. Tua khit ciang in khua hong ziinga, ahi zongin Pasian kiang pana khuavaak alungsim uhah tengg hi. Peter in tua atuahkhak thu kum tampi khit ciang in gelh hi. Amanh aupPa thei hi. Phuahtawm tangthu hilo hi. Amit tawh mu in en zongh ih up ding hong deih hi. (2 Peter 1:16-18).

“Zeisu pen akineih hi kei icih kicinglo a, Laisiangtho thute phuahtawm thu hikei icih zong kicinglo hi. Zeisu min bek in vannuai ah gupna hong pia thei cih zong iup hangin Upmuanna tawh Eima Gumpa a asaanglo ihi kha thei hi. Thumann thu upna pen kicing lo hi. Khazih ka um hi ci in pawlpi laibua imin khumna tawh kicinglo hi. “A thukhamna bang azuite in Ama sungah nungta a, Ama sungah aom hi. A thupiak azuite Ama sungah tengg a, Amah zong amaute sung ah om hi. Amah ih sung ah om itheihna in hong piak Khasiangtho tungtawn ahihi. “Amah itheih lam ikitheihna in Ama thukham izuihna ahihi.” 1 John 3:24; 1 John 2:3. Hih thu in kikhelna dik honglak hi. Ih dikna nasep in Khazih akilatsak keileh kam tawh genna bek in manh neilo hi.” E.G.W. (Khazih’ gen thute, Christ’s Object Lessons, cp. 24, pg. 312)