Sinna 1, January 3, 2015; ni ading

“ Israel kumpipa David tapa Solomon’ paunakte.” (Proverbs 1:1) “Jakeh’ tate leh thugente tapa Agur’ kammalte leh thugente. Thuhilh mipa in Ithiel kiang — Ithiel leh Ucal kianga agente.” (Paunak 30:1) “Kumpi Lemuel kammalte, anu thuhilhna agente.” (Paunak 31:1)uk hun sung Paunak thubu atamzaw pen Kumpipa Solomon in auk hun kum masapen sunga agelh ahihi. Solomon mi piangngei khempeuh sung pan apilpen ahihi (1 Kings 3:5-14). Paunak thu pawlkhatte Hezekiah’ Kumpipa uk hun sung hi (Paunak 25:1). Tua thute khempeuh— Agur’ leh Lemuel’ gen thute zong —Kha Siangtho humuapna tungtawn ahihi. Tua thute pan sinna ih ngah nading in akikem cing ahihi.

Paunak 1:2-6, pan cimmna kimanna bang hiam?

Ciimna bulpi ahk kipatkhiatna bang hiam? “Pasian kihtakna in thutheihna te kipatkhiatna hia, mihaite in cimmna leh hilhna thudon lo uh hi.” (Paunak 1:7) Pasian kihtakna ah:  Amah dahsak ding launa.  Amah leh Ama deihna zahtakna. Ama deihna tawh kituaka khentatna bawlna.  Amah ita Athu man’na. .Ahunhun amunmun ah Ama ompihna ngaihsut-denna.

“Kata aw, na pa thuhilhna mang inla nanu thupiaknate nusia kei in, Tuate in na lutung ah akilawm kizepna hi ding a, na ngawng ah khii bang ding hi.” (Paunak 1:8-9) Luu leh ngawng in ihzia ihtongg genna ahihi. Miciimte in nute pate thuhilhna mang in kipuahpha uh hi. Tua bang in thu manglo a ut banga ataa mihaite lam pial hi. Aneu a khe i gennop pen, Nu leh pate in tawntung ading tate tungah mawhpuak nei uh hi. Tua in a siangtho mawhpuak ahihi. Ih tate tawh ihzat hun pen ih nassepna a ih zat sangin manpha zawtham hi. Pilsinna in neihleh-lamhte sangin thupi- zaw hi.

“Nulehpa leh siate nasep thupipen in zialeh-tongg zuunna hia, ihkep ihdon mite sungah Khazih limleh-meel guanna ahihi. Leitung thutheihna tuamtuam-te hih ngimna tawh ih teh ciangin cih tham hi peuhmahlo hi. Ahi zongin pilsinna dik khempeuh in, hih zia leh tong pha ngimna picinna ah huh thei tek hi. Zialehtong zuun pen khantawn nasep hia tawntung vai ahihi. Hih thu thei in, ih tawntung vai leh ihtuu ihtate vai eima khentat ahihna ih phawk leh kikhelna lianpi hong piang ding hi! Ih sep ih bawl leh ih omziate hong kilaih pha mahmah ding hi.” E.G.W. (Counsels to Parents, Teachers and Students; section 2, cp. 8, pg. 61)

“Thu theilote bang tanvei mawk om in? Mi kosiaten bang tanvei thutheihna mawk ngaihsut ding ahihiam? ” (Paunak 1:22-23 NIV) Ama aw a za lote (Paunak 1:28-32) “…amaute in hong sam in hong sam takpi ding uha, ken ka dawng kei ding a; hong mu kei ding uh hi. “…amau omziate’ ’ gah ne ding uha, a duh bang un gil vah takin ne ding uh hi.” Ama aw a zaa te (Paunak 1:33) “…launa leh thusia omlo in lung-muang takin om ding uh hi.” Pasian ciimna ih nial leh ei a leh akhemnpa zuau bek ih nei ding hi.

A.CIIMNA KOICI NGAH DING: 1.Thu man’na (v. 1-2) 2.Thuumna (v. 3) 3.Zonna (v. 4) B.CIIMNA NGAH: 1.Pasian in a zongte pia (v. 5-6) 2.Eite hongliah hongdal (v. 7-8) 3.Thumann hong telsiam thei sak(v. 9) C.CIIMNA’ KIMAN’NA: 1.Ngaihsut siamna leh telsiamna hong pia hi. (v ) 2.Siatna pan hong honkhia hi. (v ) 3.Zualzannate pan hong kem (v ) D.IH MABAN: 1.Dik takin gamta (v. 20) 2.Lei thak ah tengg [v. 21] 3.Tawntung sihna pelh [v.22]

Ih lungtanga kigelh Pasian’ thukham zui (v. 1-2) A pua lam [“ngawng ah awkk”] leh a sung lam pan [“lungtang tung ah”] itna leh thumann tawh nungta (v. 3-4) Pasian muang in teci pang (v. 5-6) Ama ciimna bek ah kinga. Siatna pan kikem (v. 7] “Pasian mai leh mite mai ah maipha ngah.” (Paunak 3:4) Ciimna silpiak ingah ciangin:

TU LAI HUN THUPHATE Pumpi Cidamna Neih leh lamh. Khansauna, minphatna leh hauhna. Lungmuanna. Nuntakna singkung: nuntakna leh hehpihna Launa omlo in lungmuang taka nungta. Pasian tawh kikhawl khawm. MAILAM HUN THUPHATE Tawntung tenna mun. Pasian hehpihna tawh ki tawisang. Minthanna ngah. “Na lungsim khempeuh tawh Topa muang in, ” bang hang hiam cih leh miciimte in minthanna ngah ding uha, mihaite in zumhna ngah ding uh hi.” (Paunak 3:5, 35)

“Topa in Ama nasepna tawh akizomhte’ ngah ding silpiakte leh hehpihna thuphate hong gen hi. Sinnate thu donlo in pilsinnate mawk ngaihsut ding hong cilo hi. Ahang in; upna tawh ahih nak leh thuhoih hia, adeih huai thu ahih hang in Topa nasem dinga kiginna ah a thupipen hilo hi. Topa in a sepkhop pih dingin apilna uh akisaktheih pih mi cimawhte a hehpih theilo, kicing khin akisa Nazareth khua mipa tawh asemkhawm theilo ding mipil-te kheng hi… Amau aki muang lote tung bek ah Khazih’ zia kipia thei hi. Pilna sangpen in zong Khazih bang zialeh tongg piangsak theilo hi. Adik ciimna gah Khazih kiang pan bek kingah thei hi.” E.G.W. (Testimonies to Ministers and Gospel Workers, cp. 10, pg. 259)