Lesoni 4 ni Epereli 25, 2015

“Ia ni sa raica ko Saimoni Pita, sa cuva sobu kina duru iJisu, ka kaya, ‘Mo ni lako tani vei au, na Turaga, ni’u sa tamata ca. Ni sa kurabui ko koya, kei ira kecega era sa tiko vata kaya, ena vuku ni qele ni ika era sa rawata: a sa vaka talega kina ko Jemesa kei Joni, ko irau na luvei Sepete, e ratou sa veitokani kei Saimoni. A sa kaya vei Saimoni ko Jisu, ‘Kakua ni rere; ena veisiga mai muri ko na rawai ira na tamata.” (Luke 5:8-10) E rawa ni da vakila na cakacaka ni veivakatisaipel itaki ena kena vulici na talanoa ni kena rawati na ika ena caka mana. Na tamata Talairawarawa ki na vosa nei Jisu: “ena Nomuni vosa au na biuta sobu kina na lawa.” (Luke 5:5) Ciqomi ni yalododonu ni Kalou: “Ni lako laivi vei au, Turaga!” (Luke 5:8) Ciqomi ni noqu ivalavala ca: “Au tamata ivalavala ca.” (Luke 5:8) Kalou Veiliutaki, veikaroni ka veitaqomaki: “Kakua ni rere.” (Luke 5:10) Vakarautaki au me’u tisaipeli: “Au na qisi iko mo gonedau ni tamata.” (Maciu 4:19)

“Ia ni sa siga mai, sa kacivi ira na Nona tisaipeli: ka sa digitaki ira e lewe tinikarua mai vei ira, a sa vakatokai ira me i apositolo.” (Luke 6:13) Apositolo e kena ibalebale ni “dua e talai.”. O Jisu e digitaki ratou na lewe tinikarua na apositolo me talai ratou me ratou vunautaka na Kosipeli ka mata ni Matanitu ni Kalou. Na cava e digitaki iratou kina e tinikarua na tagane? E dua li na ka talei e tiko vei iratou? Eda sega ni vakadeitaka rawa na nodratou cakacaka e rauta e veimama vei ratou ni bera ni ratou muri Jisu. E va e dau qoli; dua e dau kumuni vakacavacava, ka dua e dau vakaduidui ile. E ratou sega ni nuitaki. Ia, e ratou taleitaka na Matanitu ni Kalou. E ratou guta me ratou tiko vata kei Jisu. Sa qai digitaka o Jisu na ‘tamata e rawa ni biuta e lomadratou na Yalona, ka vakaiyaragitaki me ratou kauta na Nona cakacaka ena vuravura qo ni sa na biuta o Koya.” (E.G.W., Education, cp. 9, pg. 84)

Me vaka na ka e toqai e cake, e yaco vakacava na veivakarautaki oqo?

“Sa oti na veika oqo, sa qai lesia na Turaga e lewe vitusagavulu tani, ka talai ira me ra lako yayarua ka liu vua ki na veikoro kecega kei na veitikina sa via lako kina ko Koya…a ra sa tale mai ko ira na lewe vitusagavulu ena marau ka kaya; ‘Kemuni na Turaga, era sa guca vei keimami na tevoro ena vuku ni yacamuni (Luke 10:1,17) O ratou na 70 na tisaipeli e ratou a talai me ratou vunautaka na Kosipeli, ka kena ibalebale me kua ni vunau walega na italatala soqosoqo lotu kei na italatala. Na lotu va-Karisito kece me vakaitavi ena cakacaka. Ni cava vinaka na noda cakacaka, e vakamalumalumutaki o Setani (t. 18) Na levu ni sasaga, na levu ni kaukauwa (t. 19) Na noda marau me kua ni vakadeitaki ena rawa ka, ia ena curumi ni Matanitu vaka- Lomalagi (t. 20) Na cava e tukuna o Jisu ena vua ni nodratou cakacaka na lewe 70 (Luke 10:18-20)?

E.G.W. (The Acts of the Apostles, cp. 58, pg. 599)

“A sa kaya vei ira kecega, ‘Kevaka e dua sa via muri Au, me kakua ni muria na lomana, ia me colata ga na nona kauveilatai ena veisiga, ka muri Au.’” (Luke 9:23) Na isau ni veivakatisaipelitaki e rawa ni vakalekalekataki ki na tolu na vosa ni cakacaka: guilecavu iko, taura cake, ka muri.. Guilecavi koya. E sega ni qai o “au” makawa. Na “au” oya e sa mate ka’u sa tamata vou vei Karisito. Taura cake na noqu kauveilatai. Me’u ciqoma na noqu ilesilesi vou me’u tisaipeli. E rawa ni’u na sauma e dua na isau levu me’u ciqoma kina. Muri Jisu. O Jisu duadua me o koya ka liutaka na noqu bula. Ni sega na tamata era taubale ena we ni yava mai Kalivari, e sega na veivakatisaipelitaki va-Karisito.

O ira na via qaqa me ra vakananuma ka sauma na isau ni veivakabulai. Na gagadre kaukauwa vaka-tamata me vakamalumalumutaki; na vakatulewa yadua me kau mai ka vakamalumalumutaki vei Karisito. Na lotu va-Karisito me vakila ni o koya e sega ni nona duadua. Ena tiko na veitemaki me vorata, kei na ivalu me valuta ena nona gagadre; baleta na Turaga ena sega ni ciqoma na cakacaka caka veimama. Na bula e sega ni dodonu e sega ni ka taleitaki vua. O koya e muri Karisito me lako ena vakabauta, me vaka e raica na ka e sega ni laurai. O Karisito me nona iyau talei, e nona ka taucoko ena veika taucoko. E.G.W. (God’s Amazing Grace, September 20)