Sinna 6, May 9, 2015 ni ading

Hong suahna vaia kihelte (Mary, Elizabeth leh Anna) Zeisu in thupi nagaihsut hi (Nain khua meigong’nu) A nasep masuan leh Asihna vai ah panpih uh hi (Martha, Joanna…) Gentehna in… Lungdamh kohna vai ah (Magdalene khua a Mary ) Upmuanna vaiah (Zeisu’ puanmongg alawnsak numeinu) Thuumna vai ah (Thudik a lunggulh numeinu) Citna vaiah (Meigonggnu leh adangka tang nih) Zeisu’ nuntak leh nasep masuan ah amau bang vann?

Elizabeth in Zeisu pen aki kamciam Messiah ahihna thu koici teci pan hiam? “Then she spoke out with a loud voice and said, ‘Blessed are you among women, and blessed is the fruit of your womb! But why is this granted to me, that the mother of my Lord should come to me?’” (Luke 1:42-43)ngin Mary in Zeisu masuan ding vai alamdang agenkholhna thulite (Luke 1:46-55). 1. Kha lam vai kipuah- phatna (v. 46-i50) 2. Ngaihsutzia kipuahphatna (v. 51) 3. Mimal kizopna vai kipuahphatna (v. 51, 54) 4. Genkholhna vai kipuahphatna (v. 55) A khangham kamsangnu Anna pen numei lungdamna thu tangko masapen hia: “Jerusalem a tatkhiatna a lunggulh mi khempeuhte kiangah Ama thu tangko hi.” (Luke 2:38)

“A tapa neihsun kiphumna mun ah akha Meigongg- nu kianga a tapa apia kik Topa in tulai nupite tuah haksatna thute ah thuakpih hi. Lazarus hann a thuakpihna khitui ataak; Mary leh Martha te tunga aki phumsa asanggampa uh athokik sak Topa; Magdalene Mary tunga maisakna apiapa; Singlamteh tunga thuaksia kawm pi a anu aphawkpa; Adah akap numeite kiangah kilangh a Honkhiapa thawhkikna lungdamna thu tangkote asuak sak Pa– in tuni in numeite’ lawm hoihpen hia, nuntakna vaite khempeuh ah amaute panpih dingin kigingsa in om den hi.” E.G.W. (Innkuan nuam, The Adventist Home, section 8, cp. 33, pg. 204)

… Magdalene kici Mary… Joanna Chuza, Herod’ sumkemmpipa’ zi, leh Susanna, akipan ama kitangsapnate amau a lakpan a vaihawmpih adang tampite.” (Luke 8:2-3) Luke ciaptehna ah, A thugen angaite bek hilo in Ama nasep pihte zong ahi uh hi. Amaute in Zeisu’ na asemte ahi uhhi. Luke gen nupi dangte in James’ nu Mary (Luke 24:10) leh Martha (Luke 10:38-42). Zeisu in Martha khatvei thuhilh ngei a avaite ahi bang dinga akoih theih nading ahihi. Sepna bawlna te thupi mahmah a, ahi zongin “Zeisu’ khephunga thusinna sanga masak zawk khak ding hilo hi.”

“A khua sunga numeinu khat in mawhneimi hia, Phariseepa inn ah an ne ding cih atheih ciangin,suangkang paknamtui bung khat hong keng a, Anung pan kap kawm in; a khituite tawh Akhe sawpsak in a sam tawhanulsak a, Akhe namh kawm in sathau namtui abuah sak hi.” (Luke 7:37-38) Tua banga a manpha sathau namtui buahna pen, lungdamh kohna ahihi (Mark 14:5) Ama nuntakna ah Zeisu’ bawlsak thu hangin alungdam kohna ahihi. Mite in “mawhnei nu”bangin mu uha, Zeisu in ahih leh akiphum nadinga sathau azut bangin mu hi. (Mark 14:8). Amah asih cianga akah ding (John 20:11) leh a thawhkikna a tangko ding bangin mu hi. (John 20:18). Mary banga Honpa tunga alungdam thei te hi ciat ni maw.

“‘Ka tanu aw, lung muang in om in; na upna in hong damsk zo hi. Lungmuang takin pai in” aci hi. (Luke 8:48)

“hih nu in hong buai sak den ahih manin, ama vai ka ngaihsut sak ding hi, tua hi kei leh hong pai in hong buai sak ding hi… Pasian in asun azana angen den te adon pak loh hangin ngaihsut sak lo in om ding ahi hiam?” (Luke 18:5, 7) Hih mun ah Zeisu in thu akhen sak dinga angen den meigonggnu vai gentehna agenna ahihi. Hih mun pan thunget vai sin ding thu thum ih nei a: Lungkia lo in thu ngen den un. (1 Thessalonians 5:17) Thungetna in vai teng kilamdang sak hi. (Colossians 4:3) A taktai a mu;anhuai thungetna in na khempeuh zo thei hi. (Luke 18:7)

“Amah in azawng meigonggnu khat in dangka tang nih khia mu hi. Tua ciang in amah in, ‘Ken amann takpi kong cih in ah, hih nu in tam khia pen hi a ci hi.’” (Luke 21:2-3). Zeisu in Pharisee mihau te’ lumsim kuan tawh hih meigonggnu’ a’ tawh saikaak hi. Phariseete in “meigonggte’ neih leh lamh teng sut mang “ (Luke 20:47), ahih hangin meigonggnu in ama neihsun khempeuh Pasian aal hi. Eite ong piangsakpa in muh loh neilo hi. Ih piakzah athupi hizawlo in, a thupi pen ih piakzia na hi zaw hi. Pasian in ih piakkhiatna’ picin zia mu gige hi.

“Ih gamtatnate’ omzia in lungsim puak tungtawn hia amawktat maw ngaihsut picing cih kidawk sak hi. Miten mit tawh mu a aphatte thupi sapen tuanlo hi. Sep dingte lungtai takin sepna, aki pholaklo piak- khiatnate, mite muhna a manh neilo abangte Ama muhna ah thupipen thei hi. Upmuanna leh itna adim lungsim in atam manhpen piakna sangin thupizaw hi. Azawng meigonggnu in ama piakkhiatna tawah ama nuntakna apia ahihi. Apiakkhiat zawh nang in an angawl liang ahihi. Amah in upmuanna tak tawh ama kitangsapnate vantunga Pa in mawk kawihlo ding cih um hi. Hih bang angsung khuallo leh naupang banga upmuanna in Gumpa’ pahtawina a ngahsak ahihi.” E.G.W. ( Khangcin’ Lunggulh, The Desire of Ages, cp. 67, pg. 615)