Sinna 1, July 5, 2014 ni ading

“Tu in Topa aw, nang mah in ka Pa uh na hihi; ko te in, tungman bang ka hi uh a, nang mah in belsekpa na hihi; kote in, nangma bawlsa ka hi uh hi.” (Isaiah 64:8) Laisiangtho lui ah Pasian zia kilim gen hi. Hi mah le “Pa” kici kha ngei lo hi. Zeisu in Pasian zia hong lim gen in “Vantung Pa” ci ding in hong hilh hi. (Matthew 6:14) PA Ei te tawh hong kinai den hi. Hong it, hong cing, hong kem Topa hi. (Matthew 7:9-11) PA Ei te tawh hong kinai den hi. Hong it, hong cing, hong kem Topa hi. (Matthew 7:9-11) TUNG THANGVAN Amah van ah om hi. Van mi tul tampite in bia uh hi. Amah zahtak in, muang in, kihta in, ih phat ding hi. (Mang. 5:13). TUNG THANGVAN Amah van ah om hi. Van mi tul tampite in bia uh hi. Amah zahtak in, muang in, kihta in, ih phat ding hi. (Mang. 5:13).

“Khazih Topa in, avanglian bel tua Topa pen ‘’Ih Pa” cih min thak tawh sam ding in hong hilh hi. Mihingte pau in eite tawh ih kinaina hong kilangsak a, Pasian bil ah zak nop mahmah hi. Khazih in Pa banga hong it Pasian, ih telsiam nangin; anungta, athak, lampi tawh Ama kiang hong zuatpih hi. E.G.W. (Tangko, The Review and Herald, September 11, 1894)

“Amann Pasian leh, nong sawl Zeisu Khazih theihtelna in; tawntung nuntakna ahihi.” (John 17:3) Jeremiah 9:23-24, tungtawn in Pasian tawh kisai ih theih ding akul bang hi mawk hiam?

“Pasian in eite bangzah dongin hong it hiam cih lungngai un! Leitung mite in Amah theilo uh ahih manin ei zong hong thei kei uh hi.” (1 John 3:1) Pasian hong itna lahna lianpen bang hiam? “Pasian in A Tapa aum mi khempeuhte in, kisia loa nuntaktawntungna angah na dingin; A Tapa khat bek apiak dong in leitung mite it hi.” (John 3:16) Zeisu in hong itna pen tuucing siam pa, dangkatang zong nupi nu, leh tapa taimang’ zuat-kik apa tawh kigenteh in hong hilh hi. (Luke 15) Pasian in hong itlua ahih manin itna sangpen piakkhiatna hong nei a, tua in A Tapa nuntakna ahihi.

“Tua ahih ciang in bang ka ne, bang ka dawn, ding hiam? ci in lungkham kei un. Tua te thu umlo mite’n zong uh hi. Vantung a na Pa un tua te na kisap lam uh thei hi.” (Matthew 6:31-32) “Tua ahih ciang in bang ka ne, bang ka dawn, ding hiam? ci in lungkham kei un. Tua te thu umlo mite’n zong uh hi. Vantung a na Pa un tua te na kisap lam uh thei hi.” (Matthew 6:31-32) Ih Pa hong itna ahun zui in kikhel ngei lo hi. Ih kisap khempeuh pia ding in aneih khempeuh siit ngei lo hi. Ih kitang sapna khempeuh aki cing in hong pia nuam den ahih man in ih nisim vaite tawh buai lua lo ding in hong hilh hi.

“Topa Zeisu in Pasian pen ih duh ih deih teng ih nget ngam na ding, ih muan ih suan ahí ih Pa bangin hong hilh hi. Ama vangliatna hang in ih lau ih kihtak lai tak in Pa in Ama tang in Tapa hong kawh muh hi. Zeisu sunga ih muh lungnemna, hehpihna, leh itna te in Pa lim leh mel hong kilang sak hi. Calvary singlamteh in Pasian itna hong kilang sak hi. Khazih in vannuam siampi Pasian pen itna Pasian ahih lam hong kilang sak hi. A kamsangte tungtawn in, ‘Note tawntung itna tawh hong it ka hih man in dik-itna tawh nang kong zol hi’ hong ci hi. ” E.G.W. (ThIngvan Tualnuam, In Heavenly Places, January 12)

“Tawntung Khasiangtho tungtawn in, tu in Pasian mai ah kawkbanna omlo, Khazih sisan tawh anungta ding in; na lungsim uh hong siansuah hi.” (Hebrews 9:14) Zeisu in Pasian ih cih pen, thum gawm Pasian khat; Pa, Tapa, leh Kha siangtho cih te ahih lam uh hong hilh hi. A vek un gupkhiatna thu ah mapang khawm kim uh hi. Amaute in Zeisu nasep vai athupi diak munte ah; asuahna (Luke 1:26-35), aki tui-phumna (Luke 3:21-22) leh khai-lupna vai ah na semkhawm uh hi. (Hebrews 9:14) Zeisu in Too thumte in lungtuak in mapang khawm ahihna hong tel lah hi. Tua bang in khat leh khat ki pahtawi uh hi.

“Pasian tawh aki thuciamte, vangliatna khempeuh anei Topa; Pa, Tapa, leh Kha Siangtho te’n sang hi. Tuiphumna mun khempeuh ah leitung mite mai a Zeisu asang khem-peuh, asang ding in kiging den hi. Tua bang mite Pasian innkuan ah hong lut uha tuuno nuntakna laibu sung ah amin uh kikhum hi.” E.G.W. (Hilhcian, SDA Bible Commentary, on Romans 6:4)