1. Lesoni 12 ni June 18, 2016

2. “Ni sa livia ko koya na ilumu oqo ki na Yagoqu, sa kitaka me Noqu ilumu ni bulu.” (Maciu 26:12) O Jisu e a lumuti mai vei Meri ena dua na ilumu sau levu ka boi vinaka ni bera vakalailai na Nona mate (Joni 12:1-3). O ratou na tisaipeli-vakabibi o Jiutasa-e raica na vakasabusabu eba ka e a caka oya. Ia, o Jisu e a raica e dua na yalo e vutucoqa ena vakavinavinaka ni loloma sega ni saumi rawa (Luke 7:47). Na Kalou e soila vei keda na galala ni digidigi. Na tamata era vakayagataka na galala ni digidigi oya me vakatulewataka kina na nodra sema vei Jisu ena tiki ni gauna nib era Nona mate: o Meri e lewa me vakalagilagi Koya, o ira na iliuliu era vatonaki Koya, o Jiutasa e liumuritaki Koya, o Pita e cakitaki Koya. Vakacava o iko? Na cava ona cakava me baleti Jisu? O na vakayagataka na nomu galagala mo solia Vua na isolisoli ni yalo e vakavinavinaka?

3. “ E vica ga era vakavinavinakataka na ka taucoko e baleti ira vei Karisito. Kevaka e vaka kina, na loloma levu nei Meri ena vakaraitaki, na veilumuti ena soli wale vakayauyau. Na ilumu boi vinaka ena sega ni vakatokai ni lusi wale. E sega ni dua na ka ena vakasamataki ni sa rui sau levu me sega ni rawa ni soli vei me baleti Karisito, sega na guilecavi koya, se soli koya vakai koya ena levu sivia me sotavi ena vukuna.” E.G.W. (The Desire of Ages, cp. 62, pg. 565)

4. “Sa qai taura na bilo ko Koya, ia ni sa vakavinavinaka oti, sa solia vei ira, ka kaya, ‘Dou gunu kece kina. Oqo na noqu dra ni veiyalayalati vou sa liviraki ena vukudra na lewe vuqa, me bokoci na ivalavala ca.’” (Maciu 26:27-28)

5. “Sa qai kaya vei iratou ko Koya, ‘Sa rarawa vakalevu na yaloqu, me vaka ka’u na mate. Dou tiko ga eke, ka dou vakatawa.’” (Maciu 26:38) Na voroki ni Vunau e kovuti kina na mate tawamudu (Roma 6:23). O Jisu e a colata na noda ivalavala ca ena kauveilatai me rawa ni calata oya. E taura na nona itutu na nona vanua na tamata ivalavala ca. E rerevaka na tawasei mai vua na Tamana ka tawamudu. Na gauna tawamudu ena sega ni veirauti me da kila kina na levu ni loloma e vakaraitaka o Jisu ena vukuda mai Kecesimani ki na kauveilatai. E rarawa ka tagi, “O Tamaqu, kevaka e rawa, me siviti Au na bilo oqo.” Ia na Nona loloma me baleti keda e vakavuna me tagi o Koya, “me kakua ni vaka na lomaqu, me yaco ga na lomamuni.” (Maciu 26:39).

6. “A sa biuta ko koya na veitiki ni siliva ena valenisoro, ka curu yani, ka la’ki kukunataki koya.” (Maciu 27:5)

7. Sa qai tekivu me ruru ca ka bubului, sa tukuna, “Au sega ni kila na tamata oqori!” Vakasauri sa tagi na toa. (Maciu 26:74)

8. “Na tamata yadua e galala me digitaka na kaukauwa cava me lewai koya. E sega e lutu sara vakaca, sega e ca sara, ia e rawa ni ra sotava na veisereki vei Karisito. Sega ni dua na tagi mai na yalo e gagadre, dina ni sega ni cavuti vakavosa, ena sega ni rogoci. O ira era na curu kina veiyalayalati kei na Kalou kei lomalagi era sega ni na biu tu ena kaukauwa nei Setani se kina malumalumu ni nodra ivakarau. O ira na yalo ni vanua butobuto era na veivalataka na yalo sa curu kina nodra vakatulewa, ia o ira na agilosi ni Kalou era na veivalataka na yalo oya ena kaukauwa e qaqa cake. Na Turaga e kaya, ‘Ena kau laivi o koya sa rawai mai vua na qaqa, se sereki na kaivesu e muria na ivunau? …Sa kaya vaka oqo na Turaga, “Na nodra kaivesu na qaqa era na kau laivi, o ira na vesuki mai vei ira na rerevaki era na sereki: baleta Au na veivala kaya kei koya e vaivala kei kemudou, ka’u na vakabulai ira na luvemudou.’” E.G.W. (The Desire of Ages, cp. 26, pg. 258)