1. Lès 4 pa Òktober 22, 2016

3. Moisés a skirbi e bukinan di Jòb i Genesis mientras e tabata biba na Midian. Asina ei Jòb ta un di e bukinan di mas tempran den e Beibel. No meskos ku e otro bukinan den e Tèstament Bieu, e tema di e buki di Jòb no ta relashoná ku Dios Su pakto ku Su pueblo. E tema prinsipal di Jòb ta universal, Dios i sufrimentu humano. 1.Deskubriendo Dios.  Naturalesa ta papia tokante di Dios.  Dios e Kreador. 2.Sufrimentu humano.  Pakiko tin sufrimentu?  Pakiko nos ta sufri? 3.Dios i sufrimentu humano. 1.Deskubriendo Dios.  Naturalesa ta papia tokante di Dios.  Dios e Kreador. 2.Sufrimentu humano.  Pakiko tin sufrimentu?  Pakiko nos ta sufri? 3.Dios i sufrimentu humano.

4. Naturalesa ta revelá sufisiente tokante di Dios asina ku nos por konos’É i alab’É. No tin ningun èksküs pa kere den un Dios Kende a krea e mundu despues di a pidi naturalesa. Nos lo hari un persona ku ta deklara ku un “smartphone” kompliká a wòrdu trahá pa kasualidat sin un diseñadó. Pakiko nos mester aseptá ku algu hopi mas kompliká (naturalesa) a wòrdu trahá pa kasualidat?

5. Ademas di e testimonio di naturalesa, lógika tambe ta papia tokante di e eksistensia di Dios komo Kreador. Un punto na fabor di e eksistensia di Dios ta ku nada a yega di ta dor di su mes, i nada no a krea su mes. Por ehèmpel, nos a yega di ta for di nos mayornan, i nan a bini for di nos abuelonan, ètsétera. Nos por kontinuá te ora nos haña un persona òf algu ku semper a èksistí pasombra e no a bini di ta for di kualke otro kos. Nos konosé solamente Unu Kende no a wòrdu kreá i Kende ta èksistí for di eternidat, Dios. Hopi studiantenan lo purba pa proba ku nos ta èksisti sin Dios, pero esei no ta hasi e robes bèrdadero.

6. “ E kosnan aki Mi a papia ku boso, pa den Mi boso por tin pas. Den mundu boso lo tin tribulashon; pero tene kurashi, Mi a vense e mundu.” (Juan 16:33) Jòb ta trata un di e desafíonan di mas grandi ku hende ta enfrentá ora ku nan ta purba pa komprendé ku Dios ta amor. Pakiko un Dios amoroso ta permití Su kriaturanan pa sufri sin aliviá e sufrimentu ei? E buki di Jòb ta splika ku maldat ta e fuente di sufrimentu. Di otro un banda, Dios ta omnipotente, todopoderoso i amoroso. E ta kuida pa Jòb i ta trese un remedi final pa su situashon. Dios no ta kousa sufrimentu. Kompletamente kontrali, E tin un plan pa definitivamente terminá ku e pèst ei. Nos mester konfia Su kariño i warda pa e kumplimentu di Su palnnan.

7. “Bo mannan a trahami I a formámi, un unidat kompliká; tòg Bo lo destruími.” (Jòb 10:8) Jòb no a duda ku Dios tabata èksistí òf ku E tabata poderoso pa krea. Sinembargo, e tabata maraviyá konstantemente, Pakiko mi ta sufri? Kiko robes mi a hasi pa sufri asin’aki? Ateonan ta pensa ku sufrimentu ta parti di e chèns ku ta goberná nos bida (a propósito, esei ta un kontesta kompletamente no satisfaktorio i sin speransa). Kreyentenan ta lucha pa aseptá ku sufrimentu ta afekta tambe esnan ku ta fiel na Dios Su boluntat. Algun bes sufrimentu ta un kousa direkto di nos mes pikánan, pero e no ta semper asina. Pesei, tin bia nos lo por duda di Dios Su karakter bèrdadero.

8. “ Asta si tur sobra hende ta un gañadó, Dios ta bèrdadero. Manera e Skrituranan ta bisa tokante di djÉ, ‘Bo lo wòrdu hustifiká den loke bo bisa, i lo bo gana bo kaso den korte.’” (Romanonan 3:4 NLT) Ta duru pa nos aseptá Dios Su kariño segun ku nos ta biba den e mundu aki yen di maldat ku ta trese doló I sufrimentu. Angelnan i e otro mundunan ku no a kai ta komprendé esaki? Si Dios a destruí Lusifèr djies despues ku el a rebeldiá kontra di djÉ, nan lo a mira Dios komo un tirano sin kurason. Manera Pablo ta deklará, e Huisio lo vindiká (hustifiká) Dios Su karakter. E manera ku El a trata ku piká lo mustra ku Dios ta amor i ku Su kamindanan ta hustu dilanti di tur e angelnan, e mundunan ku no a kai i tur e sernan humano ku a biba riba e Tera aki.

9. “ Tur pregunta di bèrdat i eror den e kontroversia di hopi tempu awor a wòrdu hasi kla. E resultadonan di rebelion, e frutanan di pone un banda e statutonan divino, a wòrdu habrí na bista di tur e intelegensianan kreá. E desaroyo di Satanás su regla den kontraste ku e gobiernu di Dios a wòrdu presentá na e universo kompleto. Satanás su propio trabounan a konden’é. Dios Su sabiduría, Su hustisia, i Su bondat ta para kompletamente hustifiká (vindiká). Ta wòrdu mirá ku tur Su dilnan den e gran kontroversia a wòrdu kondusí ku rèspèt na e bienestar etèrno di Su pueblo i e bienestar di tur e mundunan ku El a krea. ‘Tur Bo obranan lo alabáBo, O Señor; i Bo santunan lo bendishonáBo.’ Salmo 145:10. E historia di piká lo para pa tur eternidat komo un testigu ku huntu ku e èksistensia di Dios Su lei ta mará e felisidat di tur e sernan ku El a krea. Huntu ku tur e echonan di e gran kontroversia na bista, e universo kompleto, tantu esun leal i esun rebelde, ta deklará den un akuerdo komún: ‘Hustu i berdadero ta Bo kamindanan, Abo Rei di santunan.’” E.G.W. (The Great Controversy, cp. 42, p. 670)