1. Deuteronomium 4:32-40
32”Gaan stel ondersoek in na die verre verlede, na die dae lank voor julle tyd, van die tyd af toe God die mens op die aarde geskep het, van die een uiteinde van die hemel af tot by die ander uiteinde, en kyk of iets so magtigs al gebeur het en of so iets al gehoor is. 33Het ’n volk die stem van sy god uit die vuur uit hoor praat, soos julle die stem van julle God gehoor het, en het hy bly lewe? 34Het ’n god dit ooit gewaag om vir hom ’n nasie te kom vat by ’n ander nasie, en dít met rampe, tekens, wonders, oorlog, magtige dade, wonderlike, groot dade waarvoor mense vreesbevange word? Dit alles het die Here julle God voor julle eie oë in Egipte vir julle gedoen.
35Dit is vir julle gewys dat julle kan besef die Here is God, en dat daar naas Hom nie ’n ander is nie. 36Hy het julle sy stem uit die hemel laat hoor om julle te onderrig en Hy het julle sy groot vuur op die aarde laat sien en julle het sy woorde uit die vuur uit gehoor.
37Omdat die Here julle voorvaders liefgehad het en hulle nageslag uitgekies het, het Hy julle deur sy groot krag in sy teenwoordigheid laat trek uit Egipte uit 38om nasies, groter en sterker as julle, voor julle uit te verdryf en om julle in hulle land in te bring en dit aan julle te gee as julle besitting. En so is dit nou nog.
39”Weet dan nou en neem dit ter harte: die Here is God. In die hemel daarbo en op die aarde hieronder is daar nie nog ’n god nie. 40Gehoorsaam sy voorskrifte en sy gebooie wat ek julle vandag beveel, sodat dit goed kan gaan met julle en julle nageslag en julle lank kan woon in die land wat die Here julle God vir altyd aan julle wil gee.”

2. Ingenooi deur God
Ons raak bewus van ons diepste behoeftes, vrae en vrese en gee ons oor aan God

3. Daar is net een God Dis vandag Triniteitsondag.
Augustinus, een van die groot slimmes wat die wêreld al opgelewer het, het sy kop lank terug aan die gang gesit oor die Triniteit-Drie-eenheid. Augustinus, ’n meester kunstenaar met woorde, het 15 boeke oor ’n tydperk van 10 jaar geskryf oor die Triniteit. In een van sy vroeëre boeke daaroor maak hy 7 stellings oor God: Die Vader is God. Die Seun is God. Die Heilige Gees is God. Die Seun is nie die Vader nie. Die Vader is nie Heilige Gees nie. Die Heilige Gees is nie die Seun nie. En dan, na hierdie ses stellings voeg Augustinus nog een by: Daar is net een God.

4. “Wanneer ons oor die Triniteit praat, moet ons vergeet om te tel”
Sulke denke maak ons kop lekker deurmekaar. Daarom het van die kerkvaders lank terug gesê: “Wanneer ons oor die Triniteit praat, moet ons vergeet om te tel!”

5. “The problem with the Trinity is not that this is a bunch of nonsense, but that God is God, in God’s particularly glorious, effusive way, and we are just people, the recipients of a love so deep, we cannot find words to describe it.”
Will Willimon
Dit het Augustinus 15 boeke geneem om hieroor na te dink, want God is God en ons nie! Geen wonder die Triniteit verstom ons beperkte verstand nie. Soos Will Willimon tereg sê: “The problem with the Trinity is not that this is a bunch of nonsense, but that God is God, in God’s particularly glorious, effusive way, and we are just people, the recipients of a love so deep, we cannot find words to describe it.”

6. = 1
Karl Barth
Daarom, wanneer ons vandag saam dink oor die Triniteit, moet ons vergeet hoe om te tel! Want 1+1+1=1! (Karl Barth)

7. Ons betree God se wêreld en gaan in God se vrede in
Ingaan in God se tyd
Ons betree God se wêreld en gaan in God se vrede in

8. Help die kinders om die geskiedenis te onthou
Moses beveel die mense om in die verlede te gaan terugkyk om te onthou wat God gedoen het en dan verwys hy na die tydperk van Egipte en die tye net daarna. Nou, om vir die kinders te help om die gebeure van daardie tyd te laat onthou, laat hulle die aktiwiteit van die verlossing uit Egipte doen deur die 10 plae se geskiedenis weer te onthou.
(Download die Word-file vir prente)

9. Ons luister dieper na die Woord en ontmoet God
Luister na God se Woord
Ons luister dieper na die Woord en ontmoet God

10. Deuteronomium 4:32-40 Agtergrond
Deuteronomium kan in drie dele verdeel word. Daar is ’n lang gedeelte, (4:44–28:68) met grepe uit die geskiedenis en voorskriftelike tekste, wat omraam word deur twee gedeeltes (1:1-4:43 en 29:1-34:12) wat meer histories van aard is en wat die inleiding en slot van die boek uitmaak.
Die inleiding begin met ’n toneel skets (1:1–5) waarin die plek waar Moses die volk toegespreek het, sowel as ander besonderhede wat daarmee saamhang, bekendgestel word. Dit noem die partye betrokke by die verbond (die Here wat deur Moses spreek en die volk) en die plek en tyd van die hernuwing van die verbond. Die toespraak self (1:6–4:40) volg direk daarna, waarin ’n kort oorsig gegee word van die roete waarlangs Israel getrek het. Dit herinner hulle dus hoe dit gekom het dat hulle nou die beloofde land kan intrek. Dit begin met die volk se reis van Horeb tot Peor (1:6–3:29). Daarna volg ’n vermaning om die verbond te onderhou (4:1–40) en ’n kort aanhangsel oor die vrystede oos van die Jordaan (4:41–43). Die res van die eerste deel van die boek (4:44–28:69) handel oor die inhoud van die verbond.
Ons gedeelte vorm dus deel van ’n hoofstuk waarin die volk deur Moses opgeroep word om getrou te bly aan die Here wat die einde van die inleiding tot Deuteronomium is.
Moses begin sy oproep om gehoorsaamheid aan die Here, deur die volk daarop te wys hoedat God Hom in die verlede aan hulle verbind het. Hy nooi hulle uit deur ’n reeks retoriese vrae om te gaan navorsing doen of iemand anders al ooit so iets beleef het (vers 32). Hy vra in vers 32 of daar al so ’n ding was. Moses gebruik hier die enkelvoud van die Hebreeuse woord vir “die woorde” (dbr) - wat dan ook die Hebreeuse naam vir die boek is (“Die woorde” van Moses). Hulle kan op twee plekke gaan navorsing doen. Eerstens in die geskiedenis sedert die skepping en tweedens die hele ruimte van die skepping (van die een kant van die hemel na die ander). Hulle oop-boek-eksamen het geen perke nie – hulle kan ten alle tye en alle plekke gaan raadpleeg. Hulle kan maar met oorgawe God Google – Sy gelyke sal hulle nie kry nie.
-God self het hulle by Horeb geleer en hulle het bly lewe (vers 33). Hulle is dus beide spesiaal – net God (en geen ander god nie) het al in die geskiedenis gepraat en net hulle het God al hoor praat.
- Hy self het hulle uit Egipte gered en deur die woestyn bewaar (vers 34, 37-38)
- Hy self het aan hulle Sy Wet gegee, hulle oortredings vergewe en die band tussen hulle en Hom herstel (vers 36). God het hulle letterlik gedissiplineer (yāsar) soos ’n pa sy seun.
Waarom het God Hom in woord en daad in openbaring, verlossing en wetgewing aan hulle bekend gemaak? Omdat Hy hul voorvaders liefgehad en uitgekies (vers 37) het . Daarom het Hy hulle uitgelei uit Egipte en uiteindelik ook ander nasies groter en sterker as hulle voor hulle verdryf om hulle land aan hulle te gee (vers 38). Hulle was nie gekies omdat hulle die grootste was onder die nasies nie, maar omdat God hulle liefgehad het!
God het dus Sy kant gebring in die verlede. Nog meer, Hy staan nou gereed om hulle in die beloofde land in te lei. Niemand sal Hom kan keer om dit te doen nie. Daarom is dit nou tyd dat hulle hul kant bring en gaan Moses vir hulle vertel wat God van hulle verwag. Die herinnering aan die Here se grootheid, Sy beloftes, Sy verlossende liefde en genade lei tot hierdie finale oproep in dié toespraak. As hulle God se wil uitvoer, sal Hy hulle seën. God het dus nie die land onvoorwaardelik aan hulle gegee nie. Hulle moes aan Hom gehoorsaam bly, anders sou hulle hulle land kon verloor. Hulle moes altyd onthou dat hulle Here die onvergelykbare God is (vers 39). [1]
[1] Bronne geraadpleeg
Craigie, P C The book of Deuteronomy (NICOT)
Kloppers, M Die boek Deuteronomium. Skrifuitleg vir Bybelstudente en gemeente
Mayes, ADH Deuteronomy (NCBC).
Merrill, EH Deuteronomy. The New American Commentary.
Vosloo, W, & FJ van Rensburg Die Bybellennium Eenvolumekommentaar.

11. Luister na mekaar
God maak ons ’n luisterende gemeenskap en praat ook deur ander mense met ons

12. Luister na ander en die tye
Ons stel onsself oop om God van onverwagse kante af te hoor

13. Een akteur – drie verskillende rolle
By die Konsilie van Nicea 325 waaruit die Geloofsbelydenis van Nicea gevloei het, het hulle gepraat van God as “drie Persone”. In ons taal klink dit asof ons oor drie verskillende persone praat. Maar Nicea het gedink aan die Griekse teater, waar een akteur verskillende karakters in die drama speel deur eenvoudig van die verhoog af te beweeg en ’n masker, wat ’n “persona” genoem word, op te sit en na die verhoog te keer as ’n ander karakter! Een akteur speel drie verskillende rolle.
Beelde het maar sy beperkings, maar dit maak ’n skrefie oop op iets wat ons plat verstandjies maar moeilik kan begryp - God is egter ’n misterie wat ons net moet aanbid en minder probeer verstaan...

14. Luister weer na God se Woord
Ons fokus op die Gees se beweging in ons hart en gedagtes

15. Daar is niemand soos God nie
Op hierdie Triniteitsondag wil die Deuteronomium-teks ons help om te besef daar is niemand soos ons God nie. Tog is ons soms blind daarvoor.

16. “Good Mr God, you might be a bit slow at times, but you certainly make it all right in the end.”
Dit was die ses jaar oue Anna wat in die treffende boek “Mister God, this is Anna” gesê het “Good Mr God, you might be a bit slow at times, but you certainly make it all right in the end.” Dit is hierdie “stadigheid” van God wat mense laat soek vir die lewe op ander plekke. .
Dis hoekom Moses met die volk praat in Deuteronomium 4 (eintlik die hele Deuteronomium), omdat hulle die lewe op ander plekke begin soek het na 40 jaar se rondwandel in die woestyn.
Is dit nie maar soms ook jou en my probleem nie? Ons soek oplossings op ander plekke wanneer God te stadig na ons smaak reageer.

17. Ons soek op die verkeerde plekke
Daar is ’n opvoering waarvoor die komediante in die 1920's baie lief was. Dit verloop min of meer soos volg: Die donker verhoog se enigste toerusting, is ’n lamppaal wat ’n kollig maak op die verhoog. Dan sien jy ’n man wat by die lig iets soek. Terwyl hy soek, verskyn daar ’n polisieman op die verhoog en hy vra die man: “Wat soek jy?” Dié antwoord, “Ek soek na my sleutel”. Die polisieman help dan soek en na ’n tyd vra die polisieman vir die man: “Is jy seker jy't dit hier verloor?” “Nee,” antwoord die man “ek het dit daar verloor “ terwyl hy sy vinger na die donkerte wys. “Nou in hemelsnaam, waarom soek jy dit hier?” vra die polisieman. Die antwoord kom dan “Want daar is geen lig daar nie.” Ons soek die lewe op verkeerde plekke, op waar dit aanlokliker en lekkerder lyk. Dis waarteen Moses die volk waarsku... dit geld vir ons ook vandag nog...

18. Onthou!!!
Daarom sê Moses oor en oor in Deuteronomium: Onthou wat God vir julle gedoen het en steeds doen, want die Israeliete was super klaers! Ralph Stockman maak ’n interessante opmerking oor hoekom ‘Onthou’ die hele tyd herhaal word:

19. “When a family is on a long automobile trip, and the road is dusty and disagreeable, and the assistant chauffeurs in the rear seat are a bit too audible with their complaints about the ride, it is sometimes well just to stop the car and ask whether anybody wishes to go back.”
“When a family is on a long automobile trip, and the road is dusty and disagreeable, and the assistant chauffeurs in the rear seat are a bit too audible with their complaints about the ride, it is sometimes well just to stop the car and ask whether anybody wishes to go back.”
Miskien is dit wat Moses hier wil doen – “Wil julle terug gaan na julle ou lewe?” - dit was in elke geval nie so wonderlik nie!

20. Moses probeer hulle die groter prentjie gee
Nou in hierdie gedeelte (Deut 4) probeer Moses vir hulle die groter prentjie gee - onthou die uittog en Sinai. Daarom, op grond van hierdie twee gebeurtenisse, sien ons die unieke karakter van God en daarom kan God met geen ander god vergelyk word nie.

21. “Know this well, then. Take it to heart right now: GOD is in Heaven above; GOD is on Earth below. He's the only God there is.”
(vs 39 The Message)
“Weet dan nou en neem dit ter harte: Die Here is God. In die hemel daarbo, en op die aarde hieronder, is daar nie nog ’n God nie!” (vs 39)
“Know this well, then. Take it to heart right now: GOD is in Heaven above; GOD is on Earth below. He's the only God there is.” (vs 39 The Message)

22. Geloof is die bril wat jou in die donkerte laat sien
Geloof is ’n bril wat jou kan help om in die donkerte te loop en jy nie nodig het om onder ’n kollig te gaan staan nie, want die lig is klaar in jou. Dit laat dink my aan die storietjie: In ’n ver, ver land het daar eenmaal twee bysiende mans gewoon. Hulle het elke oggend vroeg opgestaan en ver in die veld gaan stap. En tydens een van hul wandelinge, het een man ’n voorwerp reg voor hom in die paadjie sien blink. Hy buk toe om dit op te tel. Dit was die eienaardigste ding wat hy nog ooit in sy lewe gesien het: dit was ’n ou bril. Al stappende speel hy met die voorwerp in sy hande, totdat hy toevallig dit voor sy oë hou en vir die eerste keer in sy ganse lewe, sien hy toe die skoonheid van die natuur. Hy draai na sy vriend toe en sê opgewonde: “Vandag is verreweg die mooiste dag in my lewe. Kyk net daar anderkant na die sneeubedekte bergtoppe en die mis wat so wasig in die vallei lê”. Sy vriend kyk en kyk, trek sy oë op skrefies, maar sien niks en prewel saggies: “Arme drommel, daar moet iets ernstig met hom verkeerd wees. Hy's besig om gesigte te sien van dinge wat glad nie bestaan nie”.

23. Liefde, genade en ‘fellowship’
Maar geloof laat jou dinge sien wat ander nie kan raaksien nie. Jy sien vir God as die Vader, God as die Seun en God as die Heilige Gees wat vir jou liefde (want so lief het God die wêreld), genade (want daar is ’n kruis en leë graf) en “fellowship” (daardie 24/7 “life coaching”) gee.

24. “just as we have four basic food groups in nutrition, I've come up with three basic emotional food groups that I call the three A's: Attention, Affection and Appreciation. You pay attention, you show affection and you express appreciation.”
Barbara De Angelis sê in die lig hiervan ’n interessante ding: “just as we have four basic food groups in nutrition, I've come up with three basic emotional food groups that I call the three A's: Attention, Affection and Appreciation. You pay attention, you show affection and you express appreciation.” Dis hoe God met ons werk, dis hoe ons met Hom ook moet maak.

25. Attention (God die Skepper), Affection (God die Verlosser) Appreciation (God, die Aanmoediger)
Oefen jouself om elke dag die 3 emosionele kos groepe aan ander te gee, want dan sal jy daardeur vir God sigbaar maak – attention (God die Skepper); affection (God die Verlosser); appreciation (God die Aanmoediger).
Dan is jy besig om te maak soos Moses van ons vra: “Gehoorsaam sy voorskrifte en sy gebooie...” (vs 40).

26. “Jou werk is om bo te bly. Dis my werk om jou te laat wen.”
Die ander kant van geloof in hierdie Drie-enige God is gehoorsaamheid. Jy bewys jou geloof deur gehoorsaam te wees aan God. Gedurende die verfilming van die epiese Ben Hur het Charlton Heston probleme gehad om die strydwa te ry. Dit was ’n uiters belangrike toneel soos die film bewys het, as jy dit al gesien het. Heston het gekla: “Ek kan skaars op die strydwa bly, wat nog te sê van wen!” William Wyler, die regisseur, het hom geantwoord: “Jou werk is om bo te bly. Dis my werk om jou te laat wen.”
Gehoorsaamheid is om te doen wat God van jou vra en Hy sal die res doen.

27. Fokus op wat God nou doen
Ons fokus op wat God nou doen en waarheen God ons lewe rig

28. Ons besluit op ’n gepaste reaksie op wat God gegee/ gedoen/ gesê het
Antwoord met ons lewe
Ons besluit op ’n gepaste reaksie op wat God gegee/ gedoen/ gesê het

29. Elna Mouton e.a. Moed om mens te wees Prys: R59.95
10 Bybelstudies oor ’n ongewone gesin –
Marta, Maria en Lasarus
Bestel by:
Prys: R59.95