1. PAUL KIKHELNA
Lesson 5 for August 4, 2018

2. Stephen a kidenlup khit ciangin Nazareth khuami Zeisu nungzuite a bawlsia dingin Sanhedrin in Tarsus khuami Sawl(Paul) sawlkhia hi. “Lampi” akici kipawlna susia dingin Saul zong Sanhedrin te “sawltak” hong suak hi.
Ahi zongin Zeisu in Ama Sawlna asem dingin khel hi. Zeisu in Paul pen Gentiles te kiang sawltak dingin a za pia hi.
Sanhedrin te Sawltak.
Pawlpi Bawlsiatna. Sawl. 9:1-2
Ciangkhut zum Sui. Sawl. 9:3-9
Zeisu Sawltak.
Paul Kikhelna. Sawl. 9:10-18
Damascus ah Paul. Sawl. 9:19-25
Jerusalem ah Paul. Sawl. 9:26-31

3. PAWLPI BAWLSIATNA Sawl. 9:1-2
“Hih hun sungin Saul in Topa nungzuite thah dingin a sawm hi. Tua ahih manin hih Lampi thu a um numei pasal a muh peuhpeuh manin Jerusalem khuapi ah a puak theih nadingin Siampi Ukpa kiangah pai in, Damascus khuapi a kikhopna inn ukte a lah ding phalna lai a ngen hi.” (Sawl 9:1-2)
Saul in ama nasep ding pen Zeisu Khazih umte nasia taka bawlsiat ding ci in a uplam genkhia (Sawl. 26:9-11)
Sing tunga kikhai lum misi pa in Pasian samsiat thuak ahih manin , tua banga hong si Messiah pen um zolo hi (Thkikna 21:22-23)
Sanhedrin in amah thuneihna pia a, amah pen shalia, amaute ‘sawltakpi’ hong suak hi. Greek kam ah shalia pen apóstolos (i.e. sawltak) cihna hi. Saul pen Sanhedrin te sawltak ahi hi.
Amah in saklam ah Damascus dong tai 135 khualzin hi. Amah in “Lampi” sunga om pawlmite manin Jerusalem ah paipih in thukhente kiang ah nupna lampial ci in khiat ding gel hi.

4. CIANGKHUT ZUM SUI Sawl. 9:3-9
“Tua ciangin amah in, ‘Topa aw, nang kua na hi hiam?” a ci hi. Topa in, “Na hong bawlsiat Zeisu ka hi hi. Ciangzum sui lecin nang aa dingin na mahmah ding hi,’ a ci hi.” (Sawl. 9:5)
Saul tawh khualzin a apai mi khempeuh in van pan khuavakpi mu uh a, ahi zongin amah bek a mittaw hi. Ama ading a kipia mangmuhna ahih manin Saul bek in a kigen thu tel thei hi.
Saul in pawlpi bawlsia in, ahih hangin Zeisu in Amah a bawlsia in ngaihsun hi. “Topa' mite a su mi peuhpeuh in a mit nauta a su ahi hi.” (Zechariah 2:8)
Bawng hawlna ciangkhut pen a dawn ah sikzum kithuah hi. Lokhote in tua ciang pen a gan khawite uh kep nading leh uk nading in zang hi. Tua va suihna in liamna piangsak hi.
Zeisu pen Messiah hi dingin a uplah manin Saul in ama khentat theihna “ciangkhut zum” pen va sui hi. Sihna pana thokik Zeisu maitang a muh ciangin, ama ngaihsut leh upmawh thute maimang hi.

5. Sawl. 9:10-18
PAUL KIKHELNA
“Tua ciangin Saul mit panin ngalip tawh a kibang na khat thakhat in kia a, khua a muthei pah hi. Tua ciangin amah tho in tui a kiphum hi.” (Sawl. 9:18)
Paul in Zeisu nung zuih ding lunggulh a, “bang hong sep sak ding ka hiam? ci in dong hi.” Ni 3 sung a mit taw hi.
Paul in Sanhedrin te sawltak a hihna nusia in Zeisu nungzui dingin hong kikhel ta hi.
Amah in Pawlpi tawh kimu in amaute tawh kithuah nuam hi. Pawlpi tawh nsawp khop ding ut hi.
Ananias pen tua mun ah sep ding nasep khat nei hi. A lungsim ah muanmawhna om a, a tawpna ah Paul tawh kimu hi. Amah in khua mu-sak kik in, Pasian in Paul a sapna kipsak hi. Ananias in pawlpi ah Paul hong lut nadingin tui kiphum ding hanthawn hi.

6. DAMASCUS AH PAUL Sawl. 9:19-25
“Kikhopna inn ah Saul pai a, “Zeisu in Pasian Tapa ahi hi,” ci in Khazih thu a hilh pah hi. Ni tampi khit ciangin Judah mite in Saul thah dingin a vaihawm uh hi.” (Sawl. 9:20, 23)
Messiah nungzuite manin thong a khia pa ngeimah hong pai in Synagogue ah amaute humbit kik hi.
Zeisu in Messiah takpi hi cih thu Lai Siangtho tungtawn in hilhcianna amaute kiang nei hi.
Jews te in mipi thuneihna tawh Paul akimat nading in kumpi uliante kiang heek uh hi (2 Corinthians 11:32-33)
Thu ummite in Paul a suahtak theih nading in innzuak panin lawhbeu tawh inn nuai ah khiasuk uh hi.
A siate un bawlsia ding cih hilhkhol khin ahih manin hih thupiang hangin nungzui thakte thadah sak tuan lo hi. (Sawl. 9:16)

7. Sawl. 9:26-31
JERUSALEM AH PAUL
“Jerusalem khuapi ah Saul a tun ciangin nungzuite tawh kipawl ding a hanciam hangin amah nungzui suak khin cih thu um zolo uh ahih manin a vekpi un a kihta uh hi.” (Sawl. 9:26)
Tuma kum 3 lai pek in Paul pen kikhel khin hi napi in, Jerusalem pawlpi in a hiamgamp, mi bawlsia pa Paul kikhelna a takpi dingin um zolo uh hi.
Thuman kantel lopi in a mawhsakna uh a vengsak dingin Pasian in Barnabas sawl hi.
Paul in ama suksiat ahi Jerusalem a Stephen nasep zom suak hi. Ama thuhilhna-te zong Stephen gente mah bangin kinial hi. Paul nuntakna lauhuai ta hi.
Jerusalem a nusiat nading in mangmuhna tawh kilak hi (Sawl. 22:17-21). Thu uppih a sanggamte in khat vei honkhia leuleu uh hi.

8. Damascus ah Saul kikhelna (Sawl. 9:1-18)
Sawltak bu leh Galati bu sungah Paul kikhelna pan a khualzinna masa thu kiciamteh hi.
Damascus ah Saul kikhelna (Sawl. 9:1-18)
Damascus ah thu hilh (Sawl. 9:19-22)
Arabia sungah om (Galatians 1:17)
Damascus ah pai kik in inn kawm panin suahtakna ngah (Sawl. 9:23-25)
A pianthak zawh kum 3 khitteh Jerusalem pai (Galatians 1:18)
Syria le Cilicia kiimteng ah thu hilh (Galatians 1:21)
Barnabas in Antioch ah Paul paipih (Sawl. 11:25-26)
Barnabas tawh missionary dingin kisawl khia (Sawl. 13:1-3)

9. “Pasian in leimi a sawltak te tung nasep pia den hi
“Pasian in leimi a sawltak te tung nasep pia den hi. Tua in Pasian leh mihing kipawl-khopna hi. Pasian piak khuavak sungah a thumang nasem mi kisam hi. Saul in, Topa aw, keima hotkhiatna ngah nadingin na lampi te ka zui zo kei ding hi na ci zenzen leh, Pasian in tua khuavak Saul tungah sawm vei a tangsak phial zongin a mawkna hi ding hi.
Mihing sepna le Pasian sepna a kikop ding hi. Hi mun ah Pasian deihna leh Ama lampi zui a, ih nuntak sung tawntung Ama kepna nuai ah om dingin hun khempeuh ah Ama tungah kingak ding pen a haksa pen, a khauh penpen to-na hi. […] Kha Siangtho makaihna muangin zui in.”
E.G.W. (Mind, Character, and Personality, vol. 2, cp. 84, p. 757)