1. როგორ იქმნება კომპიუტერული ქსელები
ქსელის ადაპტერის დაფები

2. ქსელის ადაპტერის დაფები
ქსელის ადაპტერის დაფები გამოდიან ფიზიკური ინტერფეისის როლში კომპიუტერსა და გადაცემის გარემოს შორის. დაფები დგება (ყენდება) ყველა ქსელური კომპიუტერის და სერვერის გაფართოებისათვის არსებულ ბუდეში. რომ უზრუნველვყოთ კომპიუტერის ფიზიკური შეერთება ქსელში, ქსელის დაფის შესაბამის შესაერთზე (გასართზე) ან პორტზე უნდა ჩავრთოთ ქსელური კავშირის არხი.

3. ქსელის ადაპტერის დაფების დანიშნულებაა:
მონაცემების მომზადება, რომლებიც ქსელური კავშირის არხით უნდა გადაიცეს ამ კომპიუტერიდან;
მონაცემების გადაცემა სხვა კომპიუტერზე (ან მონაცემების გადაცემა კავშირის არხში);
მონაცემთა ნაკადების მართვა კომპიუტერსა და კავშირის არხს შორის.
გარდა ამისა, ქსელის ადაპტერის დაფა ღებულობს მონაცემებს კავშირის არხიდან და გადათარგმნის მას კომპიუტერის ცენტრალური პროცესორისათვის გასაგებ ენაზე (გასაგები ფორმით).

4. შემადგენლობა
ქსელის ადაპტერის დაფა შედგება აპარატურული ნაწილისა და მუდმივ დამმახსომებელ მოწყობილობაში (RAM) "ჩაშენებული" პროგრამისაგან. ეს პროგრამები ახდენენ ლოგიკური კავშირის მართვისა და OSI მოდელის არხულ დონესთან წვდომის მართვის ფუნქციის რეალიზაციას.

5. მონაცემების მომზადება
მონაცემების ქსელში გადაცემამდე, ქსელის ადაპტერის დაფამ უნდა გადაიყვანოს კომპიუტერისათვის გასაგები ფორმით წარმოდგენილი მონაცემები იმ ფორმაში, რა ფორმითაც ისინი შეიძლება გადაიცეს ქსელური კავშირის არხით. კომპიუტერის შიგნით მონაცემები გადაიცემა სალტით. სალტე - ესაა რამდენიმე გამტარი განთავსებული ერთმანეთის პარალელურად. ასე, რომ ხაზები რამდენიმეა და მონაცემთა ბიტები ქსელის დაფას გადაეცემა ბლოკებად და არა მიმდევრობით.

6. სალტე
სალტეები, რომლებსაც იყენებდნენ IBM-ის პირველი პერსონალური კომპიუტერები, როგორც ცნობილია, იყო 8 თანრიგიანი სალტეები: მათ შეეძლოთ 8 ბიტიანი მონაცემებისაგან შემდგარი ბლოკების გადაცემა. IBM PC/AT®-ს აქვს 16 თანრიგიანი სალტე, ეს ნიშნავს, რომ მას შეუძლია ერთდროულად გადასცეს 16 ბიტი. ბევრი თანამედროვე კომპიუტერი დაფუძნებულია 32 თანრიგიან სალტეზე. ხშირად ამბობენ, რომ მონაცემები კომპიუტერის სალტეზე გადაიცემა პარალელურად (Parallel), როგორც 16 ბიტი, ასევე 32 ბიტი მოძრაობს ერთმანეთის პარალელურად. წარმოიდგინეთ, რომ 16 თანრიგიანი სალტე ეს არის 16 ზოლიანი გზა, რომელზედაც ერთმანეთის გასწვრივ (პარალელურად) მოძრაობს 16 მანქანა და თითოეულ მათგანს გადააქვს ერთი ბიტი.

7. ქსელური კავშირის არხში მონაცემების გადაადგიელბა
ქსელური კავშირის არხში მონაცემები უნდა გადაადგილდეს ბიტების ნაკადის სახით. ამაზე ამბობენ, ადგილი აქვს მიმდევრობით (Serial) გადაცემას, რადგანაც ბიტები მიყვებიან ერთიმეორეს. სხვა სიტყვებით რომ ვთქვათ, კავშირის არხი ესაა ერთზოლიანი გზა. ასეთ „გზაზე“ მონაცემები ყოველ მომენტში მოძრაობენ ერთი მიმართულებით. ქსელის ადაპტერის დაფა ღებულობს პარალელურ მონაცემებს და ახდენს მათი გადაცემის ორგანიზებას მიმდევრობით, ბიტებად. ეს პროცესი მთვარდება კომპიუტერის ციფრული მონაცემების ელექტრონულ ან ოპტიკურ სიგნალად გარდაქმნით, რომელიც გადაიცემა ქსელური კავშირის არხის მეშვეობით. ციფრული მონაცემების გადაყვანაზე პასუხისმგებელია ტრანსივერი.

8. ქსელური მისამართი
ქსელის ადაპტერის დაფამ, გარდა მონაცემების გადაყვანისა, უნდა მიუთითოს თავისი ადგილმდებარეობა ან მისამართი, რომ შეიძლებოდეს განსხვავება (გარჩევა) სხვა დაფებისაგან. ქსელური მისამართის (Network Address) შერჩევა იწარმოება IEEE (Institute of Electrical and Electronics Engineers, Inc) კომიტეტის მიერ. ეს კომიტეტი ქსელის დაფების ყოველ მწარმოებელს უმტკიცებს მისამართების გარკვეულ ინტერვალს. აქედან გამომდინარე, ქსელის დაფების ყოველი მწარმოებელი დაფის მუდმივ დამმახსომებელ მოწყობილობაში წერს მის უნიკალურ ქსელურ მისამართს.

9. ქსელის ადაპტერის დაფა მოითხოვს კომპიუტერისაგან მონაცემებს;
კომპიუტერიდან მონაცემების მიღებისა და გადაცემის მომზადებისას ქსელური კავშირის არხით ქსელის ადაპტერის დაფა ასრულებს შემდეგ მოქმედებებს:
კომპიუტერი და ქსელის ადაპტერის დაფა უნდა იყოს ერთმანეთთან დაკავშირებული, რომ განხორციელდეს მონაცემების გადაცემა (კომპიუტერიდან დაფაზე). თუკი დაფას შეუძლია გამოიყენოს მეხსიერებასთან პირდაპირი წვდომა, კომპიუტერი გამოუყოფს მას თავისი მეხსიერების გარკვეულ არეს;
ქსელის ადაპტერის დაფა მოითხოვს კომპიუტერისაგან მონაცემებს;
კომპიუტერის სალტე გადასცემს მონაცემებს თავისი მეხსიერებიდან ქსელის ადაპტერის დაფას; მონაცემები მიიღებიან სწრაფად, ვიდრე ისინი გადაიცემიან ქსელის ადაპტერის დაფების მიერ, ამიტომაც დროებით ისინი ინახებიან ბუფერში.

10. მონაცემების გადაცემა და მართვა
ქსელში მონაცემთა გაგზავნის წინ ქსელის ადაპტერის დაფა ჩაატარებს ელექტრონულ დიალოგს მიმღები ქსელის დაფასთან, რომლის დროსაც „მოილაპარაკებენ“ („მოითათბირებენ“) შემდეგს: • გადასაცემი მონაცემების ბლოკის მაქსიმალური ზომა; • გადასაცემი მონაცემების მოცულობა, რომელზედაც დადასტურება არ მიიღება; • ინტერვალი მონაცემთა ბლოკების გადაცემას შორის; • ინტერვალი, რომლის მიმდინარეობისას აუცილებელია შეტყობინების გაგზავნა; • მონაცემთა მოცულობა, რომელიც უნდა მიიღოს ყოველმა დაფამ ბუფერის გადავსების გარეშე; • გადაცემის სიჩქარე.

11. ქსელის ადაპტერის დაფების სიჩქარე
თუ ახალ (მეტად რთულ და სწრაფ) დაფაზე ხდება ურთიერთქმედება ძველი (ნელი) დაფით, მათ უნდა მოძებნონ ორივესათვის მისაღები გადაცემის საერთო სიჩქარე. თანამედროვე ქსელის ადაპტერის დაფების სქემა გვაძლევს საშუალებას მათ შეეწყონ (შეეგუონ) ძველი დაფების ნელ სიჩქარეს. ყოველი დაფა აუწყებს მეორეს თავისი პარამეტრების შესახებ, ღებულობს „უცხო“ პარა, ატარებს და შეეწყობა მას. მას შემდეგ, რაც ყველა დეტალი განსაზღვრულია, დაფები იწყებენ მონაცემების გაცვლას.

12. პარამეტრები აწყობისათვის (მომართვისათვის)
ქსელის ადაპტერის დაფის პარამეტრები უნდა იყოს კორექტულად დაყენებული, რომ ის სწორად მუშაობდეს. მათ რიცხვს მიეკუთვნება: • წყვეტის ნომერი (IRQ); • შეტანა/გამოტანის პორტის ბაზური მისამართი; • მეხსიერების ბაზური მისამართი; • ტრანსივერის ტიპი. შენიშვნა: ქსელის ადაპტერის დაფის პარამეტრები ყენდება პროგრამული უზრუნველყოფით. დამატებითი ინფორმაცია დაფის აწყობაზე გადამრთველების დახმარებით შეიძლება მიიღოთ მისი დოკუმენტაციიდან.

13. წყვეტის ნომერი
წყვეტის შეკითხვის ხაზი - ეს ფიზიკური ხაზია, რომლითაც განსხვავებულ მოწყობილობებს (მაგალითად, შეტანა გამოტანის პორტები, კლავიატურა, დისკური აღმძრავები და ქსელის ადაპტერის დაფები) შეუძლიათ კომპიუტერის მიკროპროცესორს გაუგზავნონ შეკითხვები მომსახურებაზე. წყვეტის შეკითხვის ხაზი ჩაშენებულია კომპიუტერის მოწყობილობებში, მათ აქვთ განსხვავებული პრიორიტეტული დონე, რაც პროცესორს აძლევს საშუალებას განსაზღვროს მეტად მნიშვნელოვანი შეკითხვები. ქსელის ადაპტერის დაფა ახდენს წყვეტის (Inetrrupt) ორგანიზებას, მის მიერ გაგზავნილი შეკითხვა (მოთხოვნა) არის კომპიუტერის ცენტრალური პროცესორისაკენ მიმართული ელექტრონული სიგნალი. კომპიუტერში ყველა მოწყობილობა უნდა იყენებდეს სხვადასხვა ხაზებს წყვეტის ან წყვეტების (IRQ) შეკითხვისათვის (მოთხოვნისათვის). წყვეტის შეკითხვის ხაზი მოწყობილობას გადაეცემა აწყობა-დაყენების დროს. მაგალითები იხ. IRQ ცხრილში.

14. წყვეტა
უმთავრეს შემთხვევაში ქსელის ადაპტერის დაფები იყენებენ წყვეტას IRQ3, IRQ5, IRQ10 ან IRQ11. თუკი არის არჩევანი, უმჯობესია აირჩოით IRQ10, რადგანაც ეს წყვეტა ყენდება უმრავლესობა სისტემებში გაჩუმებით. რომ განვსაზღვროთ, თუ წყვეტის რომელი მნიშვნელობებია დაყენებული თქვენს სისტემაში, გამოიყენეთ დიაგნოსტიკური პროგრამული უტილიტები, მაგალითად, Microsoft Diagnostic (MSD). წყვეტის ნომრის სწორად შერჩევაში (კომპიუტერის არცერთი სხვა მოწყობილობა მას ვერ გამოიყენებს) თქვენ დაგეხმარებათ მოყვანილი ცხრილი.

15. IRQ ცხრილი
IRQ კომპიუტერი პროცესორით (ან მეტი) 2 (9) EGA/VGA 3 თავისუფალია (თუ არ არის დაკავებული მეორე მიმდევრობითი COM2, COM4 პორტებით ან (მაუსით) თაგუნათი) 4 COM1, COM3 5 თავისუფალია (თუ არ არის დაკავებული მეორე პატალელური (LPT2) პორტის ან ხმის დაფის მიერ) 6 დისკურაღმძრავის კონტროლერი 7 პარალელური პორტი (LPT1) 8 საათი/CMOS 10 თავისუფალია 11 თავისუფალია 12 თაგუნა (PS/2®) 13 მათემატიკური თანაპროცესორი 14 ხისტი დისკის კონტროლერი 15 თავისუფალია

16. შეტანა-გამოტანის ბაზური პორტი
შეტანა-გამოტანის (Base I/O Port) ბაზური პორტი განსაზღვრავს არხს, რომლითაც რეგულარულად მიდის მონაცემები კომპიუტერის (მაგალითად ქსელის ადაპტერის დაფა) მოწყობილობებსა  და მის ცენტრალურ პროცესორს შორის. ცენტრალური პროცესორისათვის პორტი გამოიყურება, როგორც მისამართი. ყოველ მოწყობილობას სისტემაში უნდა ჰქონდეს უნიკალური ბაზური პორტი შეტანა-გამოტანისათვის. პორტების მისამართები (თექვსმეტობით ფორმაში) წარმოადგენილია შემდეგ ცხრილში, თუ ისინი არაა დაკავებული შეიძლება გამოვუყოთ ქსელის ადაპტერის დაფას. აქ ჩამოთვლილია პორტების მისამართები და მათი შესაბამისი მოწყობილობები. შეამოწმეთ კომპიუტერის დოკუმენტაციით, რომ დააზუსტოთ დაკავებული მისამართები.

17. I/O მისამართი
I/O მისამართი არის პორტის მისამართი რომელიც წარმოადგენს ბილიკს CPU-სა და device-ს შორის. სულ არის სხვადასხვა I/O მისამართი სისტემაში. ყველა device-ს სჭირდება პროცესორთან კავშირის დრო და პროცესორს სჭირდება რაღაც მეთოდი რომ ეს კავშირები განასახვავოს ერთმანეთისგან. რადგან პროცესორს უნდა გააგზავნოს ინფორმაციები სხვადასხვა device-სკენ და რადგან ამ device-ებს უნდათ იცოდნენ თუ რომელი შეტყობინებები მოდის CPU-დან, ამიტომ ყველა device აღწერილია I/O მისამართებით.

18. მეხსიერების ბაზური მისამართი
მეხსიერების ბაზური მისამართი (Base Address) მიუთითებს კომპიუტერის მეხსიერების იმ ადგილს (ოპერატიული დამხსომებელი მოწყობილობა RAM), რომელიც გამოიყენება ქსელის ადაპტერის დაფაზე ბუფერის როლში მონაცემთა შემოსული და გასული კადრებისათვის. ამ მისამართს უწოდებენ ოპერატიული დამხსომებელი მოწყობილობის საწყის მისამართს.

19. მეხსიერება
ხშირად ქსელური ადაპტერის დაფის ბაზურ მისამართს წარმოადგენს D8000 (ზოგიერთი დაფებისათვის უკანასკნელი ნული არ მიეთითება ნაცვლად D8000-სა, წერენ D800). დაიმახსოვრეთ, აუცილებელია ავირჩიოთ მეხსიერების ბაზური მისამართი, რომელიც არ არის დაკავებული სხვა მოწყობილობის მიერ. შენიშვნა: ქსელის ადაპტერის დაფები, რომლებიც არ იყენებენ სისტემის ოპერატიულ მეხსიერებას, მათ არ აქვთ მეხსიერების ბაზური მისამართი. ქსელის ადაპტერის ზოგიერთ დაფას აქვთ პარამეტრი მეხსიერების მოცულობის გადასაცემად, სადაც მონაცემთა კადრები შეინახება. მაგალითად, არის დაფები, რომლებშიაც შეიძლება გამოვყოთ 16 KB ან 32 KB მეხსიერება. რაც მეტ მეხსიერებას გამოუყოფთ, მით მეტია ქსელის სიჩქარე, მაგრამ მით ნაკლები ადგილი დარჩება მეხსიერებაში სხვა ამოცანების შესასრულებლად.

20. ტრანსივერის შერჩევა
ქსელის ადაპტერის დაფას შეიძლება ჰქონდეს დამატებითი პარამეტრები და მათი გადაცემაც აუცილებელია აწყობის დროს. მაგალითად, ზოგიერთი დაფები იწარმოება გარე და ჩაშენებული ტრანსივერებით. თქვენ უნდა მიუთითოთ ის ტრანსივერი, რომელიც უნდა იქნას გამოყენებული. ტრანსივერის შერჩევა ხშირად წარმოებს შესაკრავის (jumper-ის) საშუალებით. ის წარმოადგენს არცთუ დიდ შემაერთებელს, რომელიც აკავშირებს ორ გამოსავალს და განსაზღვრავს, რომელმა წრედმა უნდა იმუშაოს.

21. თავსებადობა
რომ უზრუნველყოთ კომპიუტერისა და ქსელის თავსებადობა, ქსელის ადაპტერის დაფა უნდა აკმაყოფილებდეს შემდეგ მოთხოვნებს: • შეესაბამებოდეს კომპიუტერის შიდა სტრუქტურას (მონაცემთა სალტის არქიტექტურა); • ჰქონდეს შესაერთებელი (ის უნდა ერგებოდეს კავშირის არხთა სისტემის ტიპს) ქსელური კავშირის არხის შესაერთებლად. მაგალითად, ქსელის დაფა, რომელიც ნორმალურად მუშაობს Apple® კომპიუტერზე ქსელში ტოპოლოგიით „სალტე“, არ იმუშავებს IBM-ის კომპიუტერზე ტოპოლოგიით „რგოლი“. ქსელი ტოპოლოგიით „რგოლი“ საჭიროებს დაფას, რომელიც ფიზიკურად განსხვავდება იმ დაფისაგან, რომელიც გამოიყენება „სალტე“ ტოპოლოგიის ქსელში, აგრეთვე Apple იყენებს ქსელში ურთიერთქმედების სხვა მეთოდს.

22. მონაცემთა სალტის არქიტექტურა
მეტად გავრცელებულ მონაცემთა სალტის არქიტექტურას მიეკუთვნება: ISA, EISA, Micro Channel® და PCI. თითოეული ამათთაგანი ფიზიკურად განსხვავდება ერთნამეთისაგან. მიაქციეთ ყურადღება, რომ ქსელის ადაპტერის დაფა უნდა შეესაბამებოდეს სალტეს.

23. • ISA (Industry Standard Arvchitecture).
ეს არქიტექტურა (იხ. ნახ.) გამოიყენება IBM PC, XTTM, AT და მათთან თავსებად კომპიუტერებში. რომ დავამატოთ სისტემას ადაპტერი, აუცილებელია დავამატოთ დაფა კომპიუტერის აპარატურის გაფართოებისათვის არსებულ ბუდეში (მაზერბორდზე) წელს (როცა IBM-მა წარმოადგინა IBM PC/AT) ISA გაფართოვდა 8 თანრიგიდან 16 თანრიგამდე. ISA ესაა თვით (8 ან 16 თანრიგიანი) ბუდის (სალტის) დასახელება. 8 თანრიგიანი სალტეები მოკლეა 16 თანრიგიანზე, რომლებიც შედგებიან ორი სალტისაგან ერთმანეთის მიყოლებით. ამიტომაც 8 თანრიგიანი დაფა შეიძლება ჩავსვათ 16 თანრიგიანში, მაგრამ არა პირიქით. ISA იყო პერსონალური კომპიუტერების სტანდარტული არქიტექტურა, ვიდრე Compaq-მა და რამდენიმე სხვა კომპანიამ არ შეიმუშავა EISA სალტე.

24. • EISA (Extended Industry Standard Architecture).
სალტის (იხ. ნახ.) ეს სტანდარტი წარმოდგენილ იქნა 1988 წელს ათი კომპიუტერული კომპანიის კონსორციუმის მიერ: AST® Research, Inc., compaq, Epson®, Hewlett-Packard®, Nec®, Olivetti®, Tangy® Wyse® Technology და Zenith®. EISA - 32 თანრიგიანი, ISA-სთან თავსებადი სალტეა. გარდა ამისა, ის შეიცავ დამატებით შესაძლებლობებს, რომლებსაც ფლობს IBM-ის დამზადებული Micro Channel Architecture სალტე.

25. • MCA (Micro channel Architecture).
ეს სტანდარტი (იხ. ნახ.) IBM-მა წარმოადგინა 1988 წელს, როგორც ნაწილი პროექტისა PC/2. ეს არქიტექტურა ელექტრულად და ფიზიკურად არ არის თავსებადი ISA-სთან. ISA-სგან განსხვავებით Micro channel-I მუშაობს, როგორც 16, ისე 32 თანრიგიანი სალტე. სალტის მმართველ რამდენიმე პროცესორს შეუძლია აკონტროლოს ის დამოუკიდებლად.

26. • PCI (Pezipherial Component Interconnect).
32 თანრიგიანი ლოკალური სალტე (იხ. ნახ.) უმთავრესად გამოიყენება Pentium პროცესორიან კომპიუტერებში და Apple Power Macintosh® კომპიუტერებში. PCI თავსებადი არქიტექტურა აკმაყოფილებს Plug-and-play ტექნოლოგიის მოთხოვნებს. Plug-and-play - ეს არის ერთდროულად ფილოსოფია პერსონალური კომპიუტერების აგებულებისა და მისი არქიტექტურის სპეციფიკაციებისა. Plug-and-play-ის მიზანია, მომხმარებელს, მაქსიმალურად გაუადვილოს მუშაობა ნებისმიერი მოწყობილობის ჩართვისას. გაადვილება გულისხმობს ადამიანის ჩარევის გამორიცხვას პერსონალური კომპიუტერის კონფიგურაციის გადახალისებისას. ერთერთი ოპერაციულ სისტემათაგანი, რომელიც შეიცავს Plug-and-play სპეციფიკაციას, არის Microsoft Windows.

27. ქსელის მუშაობა
ქსელის მუშაობა გამოიხატება მონაცემების გადაცემაში ერთი კომპიუტერიდან მეორეზე. ამ პროცესში შეიძლება გამოვყოთ რამდენიმე დამოუკიდებელი ამოცანა: • მონაცემების გამოცნობა; • დაყოს მონაცემები სამართავ ბლოკებად; • დაამატოს ინფორმაცია ყოველ ბლოკს რომ: • მიუთითოს მონაცემების ადგილმდებარეობა • მიუთითოს მიმღები; • ამატებს სინქრონიზაციისათვის ინფორმაციას და ინფორმაციას შეცდომების შემოწმებისათვის; • განათავსოს მონაცემები ქსელში და გადააგზავნოს გადაცემულ მისამართზე.

28. ქსელის ოქმები
ქსელური ოპერატიული სისტემა ყველა დავალების შესრულებისას საჭიროებს მკაცრად განსაზღვრული პროცედურების ერთობლიობას. ამ პროცედურებს ქსელის ოქმებს ან ქცევის წესებს უწოდებენ. ქსელის ოქმები იცავენ ყოველი ქსელური ოპერაციის რეგლამენტს. სტანდარტული ქსელის ოქმები იძლევიან საშუალებას სხვადასხვა მწარმოებლის პროგრამული და აპარატურული უზრუნველყოფა ნორმალურად ურთიერთქმედებდეს. არსებობს ორი მთავარი ჯგუფი სტანდარტისა: OSI მოდელი და მისი მოდიფიკაცია, სახელად Project 802. რომ შევისწავლოთ ქსელის ფუნქციონირების ტექნიკური მხარე, აუცილებელია გვქონდეს ზუსტი წარმოდგენა ამ მოდელზე.

29. ქსელის ადაპტერის ინსტალაცია ან განახლება
ინტერნეტთად დასაკავშირებლად არის საჭირო ქსელური ადაპტერი. ის შეიძლება იყოს ინტეგრირებული ან გაფართოების ადაპტერის სახით. ზოგიერთ შემთხვევაში შეიძლება დაგჭირდეთ დრაივერის განახლება ამისათვის შეგიძლიათ გამოიყენოთ, დისკი რომელიც მოყვა დედაპლატას ან ვიდეო ადაპტერს ან გადმოიწეროთ ის ინტერნეტიდან მოწყობილობის მწარმოებლის ვებგვერდიდან.
მას შემდეგ რაც მოხდება ქსელური ადაპტერის და დრაივერის დაყენება, თქვენ შეგიძლიათ დაუკავშირდეთ ქსელს.

30. დრაივერის ინსტალაცია და ანტივირუსი
ახალი დრაივერის დაყენებისას რეკომენდირებულია გავთიშოთ ანტივირუსი. ყველა ფაილის სწორედ კოპირების მიზნით. ზოგიერთი ანტივირუსი აღიქვამს ქსელური ადაპტერის განახლებას როგორც ვირუსს.

31. ასევე დროის კონკრეტულ მომენტში უნდა მოხდეს ერთი დრაივერის ინსტალაცია
ასევე დროის კონკრეტულ მომენტში უნდა მოხდეს ერთი დრაივერის ინსტალაცია. რადგანაც წინააღმდეგ შემთხვევაში შესაძლებელია რამდენიმე პროცესს ერთმანეთთან კონფლიქტი მოუვიდეს.

32. ქსელური ადაპტერის დრაივერს დაყენების შემდეგ შესაძლებელია ქსელის გამოყენება. ამისათვის კაბელის ერთი ბოლო უნდა შევაერთოთ კომპიუტერის ქსელურ პორტში შეაერთეთ ქსელური კაბელი, ხოლო მეორე - ქსელურ მოწყობილობაში

33. თუ კი კაბელის მიერთების შემდეგ ქსელი მაინც არ არის, მაშინ პრობლემა შეიძლება იყოს კაბელში, დაზიანებულ პორტში, ან გაფუჭებულ ქსელურ ადაპტერში. შესაბამისად საჭირო გახდება, რომელიმე ერთ-ერთის შეცვლა, პრობლემის აღმოსაფხვრელად.

34. IP მისამართები
დრაივერის ინსტალაციის შემდეგ უნდა მოხდეს IP მისამართების გაწერა. იგი შეიძლება შესრულდეს ორი სახით.
ავტომატურად. ამ შემთხევაში ქსელში დაყენებული იქნება DHCP სერვერი. მისი მეშვეობით ავტომატიურად მოხდება პარამეტრების მინიჭება კომპიუტერზე.
სხვა შემთხვევაში პარამეტრები უნდა დავაყენოთ ხელით.

35. ბრძანება Ping
IP მისამართების გაწერის შემდეგ რეკომენდირებულია გავუშვათ ბრძანება პინგი. იმისათვის, რომ შევამოწმოთ არის თუ არა კავშირი. პირველ ეტაპზე შევამოწმოთ Dafault Gateway პინგი. მაგალითად, ჩვენს შემდხვევაში ვასრულებთ შემდეგს: StartRunping –t ok
შემდეგ ვნახოთ პინგი, რომელიმე გარე Ip მისამართის მიხედვით ან გავპინგოთ, რომელიმე ვებ გვერდი.

36. ინტერნეტთან დაკავშირების საშუალებები
არსებობს მრავალი გზა ინტერნეტთან დაკავშირებისათვის:
სატელეფონო,
კაბელური,
სატელიტური.

37. სატელეფონო ტექნოლოგიები
არსებობს რამდენიმე ტექნოლოგია ინტერნეტთან დასაკავშირებლად. სხვადასხვა ტექნოლოგიას გააჩნია სხვადასხვა სიჩქარე და მომსახურეობის დონე. მანამ სანამ გადაწყვიტავთ, რომელიმე ტექნოლოგიის არჩევას კარგად გამოიკვლიეთ ყველა არსებული მომსახურეობა და განსაზღვრეთ რომელი არის საუკეთესო თქვენთვის.

38. სატელეფონო ტექნოლოგიები
ეს ტექნოლოგია იყენებს სტანდარტულ სატელეფონო ხაზებს, ეს ტექნოლოგია იყენებს მოდემს რათა დაუკავშირდეს მეორე მოდემს(რომელიც დგას ატსში ან ნებისმიერ სხვა ადგილას.) რამდენიმე ნაკლი გააჩნია ამ ტექნოლოგიას პირველი ნაკლი არის ის რომ იმ დროს როდესაც გვაქს დამყარებული კავშირი არ შეიძლება ზარის განხორციელება ტელეფონის მეშვეობით. ხოლო მეორე არის ის დაბალი სიჩქარე რომელიც არის შეძღუდვა ამ ტექნოლოგიის გამოყენებისას, 56კბ/წამი. თუმცა რეალურად როგორც წესი ეს უფრო დაბალი ციფრია. ანალოგური მოდემი არ არის კარგი გამოსავალი დატვირთული ქსელებისათვის.

39. ინტეგრირებული მომსახურეობების ციფრული ქსელი.(ISDN)
შემდეგი ნაბიჯი ჩვენი ტექნოლოგიის განვითარებაში. ეს სტანდარტი გამოიყენება ხმის, ვიდეოს და მონაცემების გადასაცემად ჩვეულებრივი სატელეფონო სადენების მეშვეობით. იმის და მიუხედავად რომ გამტარი არის იგივე როგორც ანალოგურ ქსელში, ეს ტექნოლოგია იყენებს ციფრულ მეთოდს ინფორმაციის გადაცემის, და ამის გამო ის გვთავაზობს უფრო სწრაფ და ხარისხიან კავშირს ანალოგურ კავშირთან შედარებით.
არსებობს სამი ტიპი ამ კავშირისა : Basic Rate Interface (BRI), Primary Rate Interface (PRI), და Broadband ISDN (BISDN). ეს ტექნოლოგია იყენებს 2 არხს გადასაცემად. "B" არხი გამოიყენება ინფორმაციის გადასაცემად (ხმა, ვიდეო და ა.შ.) ხოლო "D" არხი გამოიყენება კონტროლისათვის თუმცა მისი გამოყენებაც შეიძლება მონაცემების გადასაცემად.

40. დსლი
ამ ტექნოლოგიის გამოყენებისას კავშირი არის ყოველთვის დამყარებული, შესაბამისად ჩვენ არ გვჭირდება დაკავშირება(dial up) ყოველ ჯერზე როდესაც მოგვინდება ინტერნეტში შესვლა. ამას ეწოდება “Always On”. ეს ტექნოლოგია გვთავაზბს სწრაფ კავშირს არსებული სატელეფონო გამტარის გამოყენებით. თუმცა ISDN-ისგან განსხვავებით ანალოგური სიგნალი არ იცველება ციფრულით არამედ ხდება შეთავსება ციფრულის და ანალოგური სიგნალის. სატელეფონო კომპანია ადებს ლიმიტს გამტარუნარიანობას რომლის გამოყენებაც შეუძლია ანალოგურ ხმას. რაც გვაძლევს საშუალებას ციფრული სიგნალისათვის გამოვიყენოთ დარჩენილი ნაწილი და ერთდროულად მოვახდინოთ სატელეფონო ზარები და ინტერნეტთან წვდომა.

41. ასიმეტრიული დსლი
ეს ტექნოლოგია არის დღესდღეისობით ყველაზე გამოყენებადი, ამ ტექნოლოგიას გააჩნია სხვადასხვა შესაძლებლობები თითოეული მიმართულებით ინფორმაციის გადაგზავნისას. უფრო სწრაფად მიიღებთ ინფორმაციას ვიდრე გააგზავნით. ეს არის კარგი ტექნოლოგია მათთვის ვინც იწერს დიდი რაოდენობით ინფორმაციას, მაგრამ თუ თქვენ გაგაჩნიათ რაიმე სერვერი რომელთანაც კავშირი ხდება ინტერნეტიდან და თქვენი სერვერიდან ტვირთავენ ინფორმაციას ეს ტექნოლოგია არ გამოგადგებათ.

42. სატელიტური კავშირი
გამოიყენება მაშინ როდესაც მომხმარებელს ესაჭიროება სწრაფი ინტერნეტი მაგრამ არ აქვს წვდომა დსლზე ან კაბელურ კავშირზე. ამ ტექნოლოგიის დროს გადმოწერის სიჩქარე აღწევს 500კბ/წამს ხოლო უტვირთვის 56კბიტ/წამს.

43. ვოიპი (Voice over IP)
ეს არის მეთოდი სატელეფონო ზარების განხორციელებისა მონაცმთა ქსელების და ინტერნეტის გამოყენებით. ეს ტექნოლოგია გარდაქმნის ანალოგურ სიგნალს რომელიც არის ჩვენი ხმა ციფრულ სიგნალში და აგზავნის მას IP პაკეტების მეშვეობით. ამ ტექნოლოგიის გამოყენებისას თქვენ ხართ დამოკიდებულნი ინტერნეტთან წვდომაზე თუ ეს წვდომა არ არის სტაბილური და ხარისხიანი არ გირჩევთ ამ ტექნოლოგიის გამოყენებას.