1. PANAMARSUA ken PANNAKATNAG
Leksyon 1 agpaay inton Oktubre 6, 2018

2. Ti panagmaymaysa ken timpuyog nga inplano ti Dios iti tao ket dinadael ti basol. Nupay kasta, impakita ti Dios ti ayat Na kadatayo iti panangaramid ti plano tapno maisubli ti panagkaykaysa. Ti maudi nga pannakapasubli ket umay babaen ti trabaho ni Cristo, ngem pinili ti Dios dagiti tattao tapno ipakita ti ayat ken parabur Na iti lubong.
Ti Orihinal a Panagkaykaysa
Naaramid nga Agayat
Naburak ti Panagkaykaysa
Manipud ken Adan Agingga iti Layus
Ti Tore ti Babel
Pannakaisubli ti Panagkaykaysa
Ti Dios Ayaban na ni Abraham
Mapili ti Israel

3. NAARAMID NGA AGAYAT
“Pinarsua ti Dios ti tao a kas kaladawan Na, iti ladawan ti Dios pinarsua Na ida; lalaki ken babai pinarsua Na ida”
(Genesis 1:27 NIV)
Pinarsua ti Dios ti amin nga “nasayaat unay” (Genesis 1:31). Ti Lubong, dagiti an-animal ken tao ket addaan da iti panagkaykaysa ken urnos.
Dagiti tao, saan a kas dagiti animal, ket naparsua iti ladawan ti Dios. Naaramid da nga agaywan iti Sangaparsuaan.
Ti Dios ayat (1 Juan 4:8), isu nga ti ladawan ti Dios iraman na ti kabaelan nga agayat.
Ti ladawan ti Dios ket naaramid iti dua a tao, lalaki ken babae. Agpadpadada a naparsua iti ladawan ti Dios.
Ti panagkaykaysa ket pundasyon na ti ayat.

4. MANIPUD KEN ADAN AGINGGA ITI LAYUS
“Nakitulag ni Cain ken kabsat na nga Abel; ket napasamac nga idi adda da idiay talon, timmacder ni Cain ket pinatay na ni Abel a kabsat na” (Genesis 4:8)
Ti basol da Adan ken Eba ket dinadael na ti urnos, panagkaykaysa ken ayat iti nagbaetan ti lalaki ken babae, tao ken naparsua, ken tao ken ti Dios.
Ti tao pinabasol na ti babae (Genesis 3:12)
Timmaud ti sisiit, rigat ken lunod iti tao (Genesis 3:17-18)
Pinatay ni Cain ni Abel (Genesis 4:8)
Dagiti tao nagbalin nga dakes ti kababalin na (Genesis 6:5)
Ti layus inkisap na ti kinadakes ti tao (Genesis 6:7)
Nupay kasta, pinili ti Dios ti natda (Noe ken ti familia na) ket naikkan ti maikadwa a gundaway ti tao. Ti bullalayaw tumulong nga ipalagip ti tarigagay ti Dios a mangisubli iti orihinal a plano Na iti tao.

5. TI TORE TI BABEL
“Isu nga naawagan iti Babel, gapu ta sadiay pinariribuc ti Dios ti pagsasao dagiti tattao; ket inwaras na ida iti amin a suli ti daga” (Genesis 11:9)
Ti tao ket pinadas na nga agmaymaysa nga awan ti Dios. Nangitunda iti panagdayaw kadagiti didiosen ken panagitan-ok ti bagi.
Masapul nga pasardengen ti Dios dayta nga ubbaw a panagkaykaysa iti panamarsua ti nadumaduma a pagsasao.
Ti basol nangyeg ti panagsisina dagiti tattao ken pannakadadael iti orihinal a plano ti Dios. Ti basol imbanag na ti:
Pannakaal-lilaw maipapan ti panagdayaw.
Ti panagsaknap ti kinadakes ken immoralidad iti isuamin a daga.
Ti pannakaisina ti tao iti agduduma a puli, pagsasao ken kultura.

6. INAYABAN TI DIOS NI ABRAHAM
“Ket natungpal ti Surat, a cunana: Ni Abraham pinatina ti Dios, ket naibilang kencuana a kinalinteg; ket napanaganan gayyem ti Dios.” (Santiago 2:23)
Pinadas ti Dios nga isubli ti napukaw a panagkaykaysa ti maikatlo a daras babaen ti panagayab ken Abraham.
Ni Abraham isu ti ama ti amin a mamati. Mabalin tayo nga adalen ti pamunganayan a konsepto ti panagkaykaysa kenkuana.
Nagtulnog ni Abram.
Ti namnama na ket nagsadag iti kari ti Dios.
Patien na nga tungpalen ti Dios ti kari na: ti kaputotan a kas kaadu dagiti bituen ti langit.
Nagtalkan na ti plano ti Dios iti pannakaisalakan.

7. NAPILI TI ISRAEL
“Ti Dios saan na nga insaad ti ayat na kadakayo ken pinili agsipud ta adu kayo ngem dagiti dadduma a tattao, agsipud ta dakayo ti kabassitan iti amin a tao. No di ket gapu ta inayat nakayo ti Dios ket tinungpal na ti kari a sinapataan Na kadagiti amma yo...” (Deuteronomio 7:7-8 NIV)
Pinili ti Dios ti Israel a kas tattao na agsipud ta ay-ayaten Na ida. Awan ti aniaman nga inaramid da tapno mapili da koma.
Kayat ti Dios nga iyakar ti mensahe na iti lubong ket masubbot ti sangkataoan babaen ti panangusar na kadagiti Israelita.
Inted Na kadakuada ti amin a naespirituan nga aruaten tapno matungpal da ti tarigagay Na.
Ti Nacristianoan nga Iglesia isu ti baro nga Israel. Masapul nga maawatan tayo nga awan ti mabalin tayo nga iparammag iti sango Na. Pinili natayo ti Dios a makipagmaymaysa Kenkuana agsipud ta ay-ayaten natayo (Galacia 3:28).

8. “Ti kadakkelan a makaguyod nga mabalin tayo nga ited iti lubong iti misyon ni Cristo ket masarakan iti naan-anay a panagkaykaysa. Ti kasta a kinamaymaysa nga adda iti baeten ti Ama ken ti Anak ket maiparangarang kadagiti amin a mamati ti kinapudno. Dagiti makipagkaykaysa iti nainget a panagtulnog iti Sao ti Dios ket mapno ti pannakabalin.
No amin ket naan-anay nga idaton ti bagi da iti Dios, ken babaen ti pannakasantificar agbiag iti panagkaykaysa nga awan tulaw na, anian to ngata a pannakabalin tapno maiwaragawag ti Ebanghelio.
E.G.W. (Manuscript 88, 1905, “One, Even as We Are One”)

9. Naladingit nga saan a makita ti impluwensiya ti kinapudno ti adu iti iglesia, agsipud ta awan kadakuada ti mangisalakan a parabur nga mangaramid kadakuada a makipagkaykaysa ken Cristo, a kas met ni Cristo maymaysa iti Ama!
Nu amin iparang na ti panagmaymaysa ken ayat nga nasken nga maadda iti amin a kakabsat, ti pannakabalin ti Nasantoan nga Espiritu ket ipakita Na ti mangisalakan a kababalin Na. Maiyasping iti pannakipagmaymaysa tayo ken Cristo isu ti pannakabalin nga mangisalakan ti karkararua.”
E.G.W. (Manuscript 88, 1905, “One, Even as We Are One”)