1. He mea waihanga mō tētahi kaupapa a Te Tāhuhu o te Mātauranga.
Te tūhura i te tōpana
He mea waihanga mō tētahi kaupapa a Te Tāhuhu o te Mātauranga.
© New Zealand Ministry of Education 2010 – copying restricted to use by New Zealand education sector.

2. Te tō ā-papa
He maha ngā momo tōpana e mōhiotia ana, pērā i te tō ā-papa.
Kāhore e kitea te tōpana, engari e kitea te pānga o te tōpana ki tētahi mea i te nekeneke o taua mea.
Ko te tō ā-papa he tōpana kumekume, whakapā-kore, i waenga i ētahi mea e rua, i runga anō i te papatipu o aua mea. Mā te tō ā-papa o Papatūānuku e mau tonu ai ngā mea katoa ki te mata o te whenua. Ko te rahi o te tōnga o tētahi mea, koia ko tōna taumaha.

3. Hei mahi 1 – Ngā tohutohu
Tūhurangia te pānga o te taumaha o ngā māhē ki te roa o te pūniko (waea pōkai). Tuhia ō kitenga.
Whakawhiti kōrero mō te hononga o te taumaha me te roa? He aha tēnei hononga?
Āta whakaarohia tēnei mahi. He whakamātau tika, kāore rānei?
Ka taea te pūniko te whakamahi hei ine i te taumaha?
Tūhurangia te ine-tōpana pūniko me tana mahi.

4. Te Waku
He tōpana whakapā te waku, he tōpana ātete, arā, ka papare i te neke o tētahi mea.
He āwhina nui te waku i ētahi mahi a te tangata, he whakararu anō te waku i ētahi mahi.
Ka taea e te tangata te whakapiki i te waku, te whakaiti rānei hei painga māna.

5. Hei mahi 2 – Ngā tohutohu
Tīkina he poro rākau, ka ine ai i te waku kei waenganui i te poro me te papa e whakauaua ana i te nuku o te poro.
Waihangatia ētahi whakamātau hei whakarerekē te rahi o te waku.
Matapaetia ngā hua ka puta. Mahia tētahi whakamātau.
He aha ngā rautaki hei whakapiki, hei whakaiti rānei i te waku?

6. He tūhuratanga anō
He mea nui te waku ina ka nuku te waka, te motokā, te waka rererangi, te rauropi, he aha rānei i rō hau, i rō wai rānei. He aha ētahi raruraru o te waku i aua wāhi?
Ko te āhuahanga he mea āwhina i ēnei mahi.
Inea te wā kia taka te poi kerepeti ki te takere o te ipu nui. Ki ōu whakaaro, ka ahatia mehemea he rerekē te āhua o te mea ka tukuna kia taka? He aha i pēnei ai?
Whakamātauria. (Kia tika te whakamātau.)

7. He pātai hei whakawhiti kōrero
He aha ngā kupu matua mō tēnei kaupapa?
He aha ngā hononga o tēnei kaupapa ki te ao o te ākonga?
He aha ētahi kōwai ako e hāngai ana ki tēnei kaupapa?
Me pēhea te whakahāngai i te ngohe ki ngā Taumata 3, 4, 5?
He aha ngā pūkenga e tutuki pai ai tēnei ngohe?
Me pēhea te whakawhānui, te whakahōhonu rānei i te kaupapa, hei wero i te hinengaro? (te reo matatini o te pūtaiao pea?)
He aha ētahi āhuatanga o te reo matatini o te pūtaiao i tēnei kaupapa?
He aha ētahi momo aromatawai?

8. He rauemi tautoko
He Tūāpapa Pūtaiao – Te Waku: He tōpana ātete (taumata 3, 4)
Pūtaiao i roto i Te Marautanga o Aotearoa: He Rauemi Tautoko (taumata 5)
New House Science Book B – George Hook Unit 11 (level 5)
(level 3)