1. Leccion 3 agpaay Julio 18, 2015

2. “Ket adu idi ti agcucutel idiay Israel cadagiti aldaw ni mammadto nga Eliseo; ngem awan cadacuada ti naagasan, no di laeng ni Naaman, a taga Siria.” (Lucas 4:27)

3. Iti daytoy a lawas naadal tayo nu kasano ti maysa a pagano kas ken Naaman ket naawis iti kinapudno. Mabasa tayo nu kasano nga inaramat ti Dios dagiti tattao kadagitoy a proseso.

4. “Ni Naaman a capitan ti buyot ti ari ti Siria, lalaki a napateg ken ni apona ken madaydayaw, ta ni Jehova nangted idi iti panagballigi iti Siria a gapu kencuana: isu maingel a lalaki ken napigsa, ngem isu agcucutel idi.” (2 Ar-ari 5:1) Ni Naaman addan amin a kasapulan iti napisikalan ken iti sociedad:  Maysa a heneral iti armada ti Siria.  Maysa a natakneng ken nabaknang.  Nangato ti panagraem ti Ari kenkuana.  Inaramat ti Dios isuna.  Awan ti pagbutbutngan na. Ngem addaan iti “bassit” a problema: agcucutel isuna. Inusar ni Apo Dios ti kasapulan ni Naaman a maagasan tapno maipan isuna kadagiti tattao a mabalin nga mangiturong kenkuana iti pannakaisalakan. Ni Jesus sinurot na ti kaskasdi a pamay-an a panangagas kabayatan iti panagministro Na.

6. “Nabessag ti panagpadakkel dagiti nagannak iti daytoy a babai, ket nagbunga iti napintas nga testimonia iti Dios ti Israel a saan nga makaammo Kenkuana. Naadal ni Naaman ti pannakabalin nga saan nga maartapan ti pannakabalin ti siasinoman a tao gapu iti matalec nga ama ken ina iti Israel a nangpadakkel iti anak da a managayat ken managtalek iti Dios.” SDA Bible Commentary, iti 2 Ar-ari 5:3

7. “ 8 Ket casta idi, idi a ni Eliseo a lalaki ti Dios nangngegna a ti ari ti Israel pinigisna dagiti cawesna, a nagbaon iti ari, a kinunana, ‘Ania ti gapuna aya a pinigismo dagiti cawesmo? isu bay- am coma nga umay caniac, ket ammoennanto nga adda mammadto iti Israel.’” (2 Ar-ari 5:8) Ni Eliseo ket inayaban ni Elias a cas propeta, segun iti bilin ti Dios nga aramiden na. (1 Ar-ari 19:16). Inawat ni Eliseo ti naisangsangayan a bendision idi makita na ni Elias a pumanaw: doble a paset ti espiritu ni Elias” (2 Ar-ari 2:9). Nagaramid ti milagro iti pannakabalin ti Espiritu Santo. Dadduma ket kas iti inaramid ni Jesus: pannakapagungar ti natay, panagadu ti makan, panangagas…). Saan nga nakisarak ni Eliseo ken Naaman nga immay iti kinadayag ken kinabaknang. Ngem inted na kenkuana ti mensahe ti pannakaisalakan. Ti dayaw ti milagro ket saan nga iti mammadto no di iti Dios.

8. “Ket dagiti tagabuna immasidegda ket nagsaoda kencuana, ket kinunada, ‘Amac, no ti mammadto binilinnaca a mangaramid iti maysa a dackel a banag, isu ti dica cayat coma a tungpalen? di nasaysayaat ngarud, idinto a cunana kenca, Agdigusca ken madalusanca?’” (2 Ar-ari 5:13) Napukaw ti panagpasindayag ni Naaman kadagiti addang nga inaramid na. 1.Inawat na ti patigmaan iti maysa nga adipen a babai - gangannaet. 2.Saan nga maawatan ti ari ti Israel. 3.Ti propeta ket saan na nga inawat ken kinasinnarac. 4.Nabilin isuna nga agdigus iti narugit a karayan.

9. “Ket simmubli iti lalaki ti Dios, isu ken isu-amin ti buyotna, ket immay, ket nagtacder idi sangona, ket kinunana, ‘Adtoy ita, a maammoac, nga awan ti Dios iti isu-amin a daga, no di-laeng iti Israel……ta manipud ita ken iti masacbayan ti adipenmo dinto agidatag iti mapuuran a daton wenno sacrificio cadagiti sabsabali a didios, no di-laeng ken ni Jehova.’” (2 Ar-ari 5:15, 17)

10. “Ti kababalin ti nakayawan a babaunen a babai, ti wagas a panagtigtignayna a mismo iti dayta a pagtaengan ti pagan, ket maysa a napigsa a saksi iti pannakabalin ti immuna a pannakaisuro iti pagtaengan. Awan ti nataktakneng ngem ti naited nga annongen kadagiti amma ken inna iti panangaywan ken panangisuro kadagiti ubbing. Dakkel ti pannakairaman dagiti nagannak iti pundasyon ti kababalin ken ugali dagiti ubbing. Ti masacbayan dagiti ubbing ket nakadepende iti panagisuro ken pagwadan dagiti nagannak… E.G.W. (Prophets and Kings, cp. 20, pg. 245-246)