1. Maika-uppat a leksiyon agpaay Hulyo 25, 2015

2. “Isu (Jeroboam II) insublina ti beddeng ti Israel manipud iti sercan ti Amat agingga iti baybay ti Araba, a mayalubog iti sao ni Jehova, a Dios ti Israel, isu nga insaona idi iti pannacaaramat ni adipenna a Jonas nga anac ni Amittai, a mammadto, nga taga Gat-hefer..” (2 nga Ar-ari 14:25) Ni Jonas ket naiyam-ammo a kas anac ni Amittai, (Jonas 1:1), maysa a taga-Galilea a mammadto a naiyanac iti maysa a barrio nga asideg iti Nazaret. Maysa a naballigi a mammadto. Ti padto na maipapan iti Israel ket natungpal (Jeremias 28:9). Ni Jonas ket adda dakkel a pagkapkapsutan na ken dakkel met a kinalaing. Isu ket nasubeg ken nasukir, ngem nabanayat nga agadal. Matalek iti Dios, natured ken managcararag a tao. Nupay casta, nakited ti panagpampanunot na, naimut, ken managibales. Ti Dios ket sidadaan nga mangaramat kadatayo uray adda pagkapkapsutan tayo.

3. “Idin nagbuteng unay dagiti tattao ken ni Jehova: ket nangipaayda iti daton ken ni Jehova, ket nagicarida.” (Jonas 1:16) Naibaon nga mapan iti daya babaen iti daga, ngem naglayag iti baybay nga agpalaud. Saan nga nagtungpal iti Dios, ngem dagiti bagyo ket patien da ti Namarsua iti langit ken daga. Matmaturog isu na, ngem binagaan dagiti tripolante nga agkararag iti Dios na. Di na kayat nga ibaga ti Dios, ngem napilit isu na nga mangibingay iti pammati ken misyon na. Dagiti tripolante isu da ti immuna a namati a pagano iti laksid ti kababalin ni Jonas. Anian a nagdakkel ti ayat ti Dios! Imbaga ti Dios kadagiti Israelita nga dagiti Hentil ket maguyugoy kadakuada ken makombirtir babaen iti pagwadan dagiti annak ti Israel. (Deut 4:5-6; Isa 56:7). Ngem ni Jonas ket naayaban nga mangipan iti damag pannakaisalakan kadagiti Hentil.

4. Adda pammaneknek a ti pagsasao nga “tallo nga aldaw ken tallo a rabii” ket maysa a kadaanan a pagsasao “iti kasapulan a tiempo nga agpaay iti arapaap a panpannagna a mapan idiay Sheol, {ti nagan ti Hebreo nga agpaay iti lubong ti patay} (Jonas 2:2). Ni Jesus ket inusar na ti istoria ni Jonas a kas pagarigan Kenkuana a cas “adda iti puso ti daga” (Mateo 12:40). Mapagungar to ngarud isu Na a kas iti pannakaipugso ni Jonas manipud iti dakkel nga ikan. “Ket ni Jehova insaganana ti maysa a dackel nga ican a mangalun-un ken ni Jonas; ket ni Jonas nagyan iti tian ti ican iti bayat ti tallo nga aldaw ken tallo a rabii. Idin nagcararag ni Jonas ken ni Jehova a Diosna nanipud idiay tian ti ican. (Jonas 1:17-2:1)

5. Ni Jonas ket pudno a naibilang a natay. Nagtalek iti pammakawan ti Dios ken ti panangisalakan Na. Nagkeddaw iti pammakawan kadagiti basbasol na. (Jonas 2:6-9). “Ket ni Jehova insaganana ti maysa a dackel nga ican a mangalun-un ken ni Jonas; ket ni Jonas nagyan iti tian ti ican iti bayat ti tallo nga aldaw ken tallo a rabii. Idin nagcararag ni Jonas ken ni Jehova a Diosna nanipud idiay tian ti ican. (Jonas 1:17-2:1) Ti Dios ket impakita Na ti kaasi ken ni Jonas. Dayta met nga kaasi ti nangiduron kenkuana a mangpakawan kadagiti taga-Nineve.

6. “‘Tumacderca, inca idiay Nineve, daydiay dackel nga ili, ket icascasabamto kencuana ti paibaga nga ibilinco kenca.’… Ket nangrugi ni Jonas a simrec iti ili a nagmalem a nagna, ket impuccawna, a kinunana, ‘uppat a pulo nga aldaw manipud ita, ket ti Nineve maracracto.’” (Jonas 3:2-4)

7. “Dagiti mensahero ti Dios kadagiti dadakkel nga ciudad ket saan a rumbeng nga maupapay kadagiti managbasol, kadagiti awanan hustisia, kadagiti pannakairurumen, nga isu iti sangoen da kasangoanan ti panangiwaragawag da iti timek ti pannakaisalakan. Itandudo ti Dios dagiti trabahador Na iti kapada met laeng nga mensahe nga inted Na ken Pablo iti nasabrac a Corinto: “Di ka agbuteng, ngem agsao ka, ket dika igawid ti bagim: ta addaak kenka, ket awan ti tao a mangdangran kenka: ta adu dagiti tattaok ditoy a ciudad.” Aramid 18:9, 10… Iti tunggal ciudad, nupay napnoan iti kinadakes ken pangam-ames, ngem iti umno a panagisuro ket agbalin nga disipolo ni Cristo. Rinibribu ti mabalin nga madanon iti makaisalakan a kinapudno ken maidalan a mangawat ken Cristo a kas personal a Mannubbot.” E.G.W. (Prophets and Kings, cp. 22, pg. 277)

11. “Amin ket masapul nga agtrabaho tapno mapunas dagiti masaksakit iti pagilian ken maiwarnak ti bendision kadagiti pada a tao. Nu napigsa tayo nga mangduprac iti sulisog dakdakkel ti sungsungbatan tayo a tumulong kadagiti nakapuy ken natulnog iti basol. Nu adda pannakaammo tayo, nasken nga isuro tayo dagiti awanan ammo. Nu binendisionan natayo ti Dios, trabaho tayo nga aywanan dagiti nakurapay. Masapul nga agaramid tayo agpaay iti sabali. Iyagawa tayo nga amin nga adda iti benneg tayo ket mapurruacan iti bendision nga inted ti Dios kadatayo.” E.G.W. (Testimonies for the Church, vol. 5, cp. 74, pg. 606)