1. Lesson 1 for October 3, 2015

2. “Ahi hangin kei ka hileh Jacob khialhna le Israel mawhna pulak dingin vangliatna, TOPA Kha le thutang le hatna tawh ka kidim ding hi.” (Micah 3:8) “Migilo khat sihna hangin nuam ka hi hiam? Thupipen TOPA in cikhia hi. Nuam lo tham loin kisikin a nuntak ciangin nuam zaw hi lo ka hi hiam?” (Ezekiel 18:23) Kamsangte in mungtup thupi nih ta nei uh: 1.Mawhna kawk khia. 2.Pasian' mawhmaisakna pulaak. A tuah pelmawh ding uh om hi. Thumann agen khiat leh bawlsiatna (akl) thahna thuak ding cih ahi hi (Luke 3:19-20). Tua bang hih kei leuleu le uh Pasian in amaute thukhen ding hi. Amau te in bangbang hong piang zongin Pasian sawlna bang sep khiat ding khentat uh hi. Amaute in Pasian kiang pan mang tawh, mangmuhna leh kilakna tungtawn a ngah uh thupuak te gen khia uh hi. Amaute thuakna hangin tu in eite in Pasian thute ih sim thei aa, lungdam huai mahmah hi.

3. “Benjamin gam Anathoth a siampite lakah khat ahi Hilkiah’ tapa Jeremiah thugente ahi hi.” (Jeremiah 1:1) Jeremiah in siampi khat hi a, biakinn ah nasem dingin a lamsangto khat ahi hi. Anathoth khua pan suak in—tun Anata kici—, 4km (2.5miles) Jerusalem sak nisuahna lam. Abiathar pen Eli suante khat hi. Siampi lianpen nasep akhawl sungin Anathoth ah sal in kiman khat ahi hi. Tua manin, Jeremiah in ama suan-le-khak khat hi thei ding hi (1K. 2:26). 627 BC in kamsan nasep hong kipan aa, 586 BC khit dong khawl lo in hong sem hi. A beisa Judah kumpi 5 uk hun kum 40 val Jeremiah in kamsan nasep hong sem hi (Jere 1:2-3).

4. Ahi zong, tua hun matham in Pasian in amah na teel khin zo hi. Minam tampite kiangah kamsang dingin Pasian in na seh khin zo hi. Ih piankhiat ciangin Pasian in eite a’ ding siamna tuamtuam hong pia hi. Tuate ih khan sak ding ban-ah Pasian geelna ih picingsak ding ahi hi. Eite khat ciat a’ ding Pasian in geelna nei hi. God has a plan for each one of us. Eite in ih masuante mucian in Pasian mungtup leh geelnate ih tangtunsak ding ahi hi. “"Sul sunga kong bawl ma-in nang kong thei khin hi, na suah ma-in kong seh khin zo a; minamte tungah kamsang dingin kong teel khin zo hi.” (Jeremiah 1:5) Kamsan nasep sem ding a kisap in Jeremiah pen kum 18-20 pawl pha ta hi.

5. “Khangno mipa [Jeremiah] kamsang suah ding a ngaihsut teh lau hi. Ama kicinlohna te ngaihsun in tua in amah zogawp aa, ama naupangna te in ama khang aa mite tawh bangmah ahih lohna kiphawk in nungkik sawm hi.” (SDA Bible Commentary, on Jeremiah 1:6). “"Ah, Thupipen TOPA, ka genzia ding ka thei kei hi; naupangno khat ka hi lel hi,” ka ci hi. Ahi hangin TOPA in kei kiangah, "'Naupangno khat ka hi lel hi,' ci kei in. Kong sawlnate kiangah pai-in kong thupiak peuhpeuh na gen pelmawh ding hi.’” (Jeremiah 1:6-7) Moses bangin mipi mai ah pau thei keng cih paulap na zang hi (Exodus 4:10-15). Pasian in asap mite zang hi. Jeremiah asap ciangin kamciam khauh mahmah na pia hi:

6. Kamsanna masa pen in Hebrew lai in kitel zaw hi. Hidan in kilet khia thei hi, “A kigingsa [shaqed] singkuang hiang ka mu hi.. Hoihtak mu khin teh, Ka Thu hong sawl dingin kiging khin [shaqad] zo ing. Almond singkung in khal kipat hun hong gen hi. Almond ih muh ciangin Khal kipat hun hong tungta cih ih thei hi. Pasian thu kizel khin, nasep kizota cihna ahi hi. Tua hun laitak in bang kizo khin ahiam? “A solai beel khat.”

7. Beel pen saklam pan in hong awnsuk hi aa, khanglam Judah gamteng ah aso beel a teng hong buasuk ding ahi hi. Babylon galkapte Judah gam nisuahna lam pan hong pai uh hi. Khanglam ah hong pai ding uh kul aa, sehnel gam apelh nop manin Euphrates gun hong zui uh hi. Sak lam panin Israel gam hong do ding uh hi. Tua lauhuai hun ma in Judah mite’n teel ding nih bek nei uh hi: mawhna bawlsuak ding maw or kisik kik ding. Amau khentatna tungtawn in, Jeremiah’ thupuak in “susia ding, beisak ding” or “lam kik in suan kik ding.” (Jeremiah 1:10).

8. “Jeremiah a khangno sungin, Pasian in Amah muanna ah citak in langpanna lianpi langkhat ah adingtang ding khat mu hi. Aneu tung pan cihtakna lakkhia a; tu in singlamteh ii galhang muanhuai bangin thuak do mahmah hi. ‘Naupang kici kei in,’ Topa in ateel mite sawl hi; ‘kong sawlna peuhpeuh ah na pai ding hi, kong gensak peuhpeuh na gen ding hi. Amaute mai ah lau kei in: nang tawh hong om in kong honkhia ding hi.’” Jeremiah in sapna angahna vai ah sin ding thute: E.G.W. (Prophets and Kings, cp. 34, pg. 407)